نحن مننولد بدون مايكون ألنا أي دخل بشكلنا، بس نحن اللي منقرر مين و كيف نكون!

نحن مننولد بدون مايكون ألنا أي دخل بشكلنا، بس نحن اللي منقرر مين و كيف نكون! الجمال مانه مقياس، المقياس شو أنجزنا!

Hiba Ezzideen كتبت …
من فترة كنت بمركز صحي سوري ، وفي عدد كبير من النساء بصالة الانتظار، و كالعادة بيتبادلوا الأحاديث و بيسمعوا لتجارب بعض لبين مايجي موعدن.
جنب الباب قاعدة سيدة معها طفل عمره شهر، عاملة قيصرية، و جاية مراجعة عند الدكتورة النسائية، بس عم تسأل عن مراكز لشفط البطن، لأنه زوجها “ماعم يقبل يتطلع عليها” و بدها العملية تكون بدون أي أثر للجرح، منشان زوجها مايقرف!
على يساري، صبية مو متزوجة، عاملة تصغير لصدرها عند دكتور يبدو مو نظامي، و صاير معها خرّاج خايفة يكون مسببلها كتلة سرطانية و جاية عند الدكتور!
جنب المكيف، ست معها طفلة عمرها شي ١٤ سنة مخليتها تعمل ريجيم قاسي، فمضروبة كليتها، و جاية تعملها فحص!
شو اللي بيجمع كل هدول؟
القهر المجتمعي و ممارسة العنف على أجسادنا، و معاملتنا على أننا أجساد بس، لأنه نحن أمة اللي الشب بده صبية “يطب الخاتم من راسها ينزل لرجليها”، لأنه نحن أمة مهما تعلمت فيها البنت بتنقاس ع مازورة الطول و العرض و الحجم!
نحن مننولد بدون مايكون ألنا أي دخل بشكلنا، بس نحن اللي منقرر مين و كيف نكون! الجمال مانه مقياس، المقياس شو أنجزنا!
طبعاً مابيعني الحكي أنه مانهتم بشكلنا بس نحن ماننا مانيكانات ع واجهات المحلات!


اللي بيقرف من شكلنا يشوف شكله أول ، و إذا مو عاجبه الله معه! و اللي مابده يتزوجنا لأنه صدرنا كبير، و وزننا زائد مشكلته! ماتعملي شي بحياتك كرماله هو، أعملي كرمالك، بدك تشوفي حالك أحلى لأنك أنحف، أوك، بس هاد مابيعني أنه اللي وزنن زائد مو حلوات! و قيسي عليها…
منقول

This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.