موضوع يجعل الواحد يلعن البلد بللى فيها .

أثير موضوع هل تعفى ( مؤسسه مجدى يعقوب ) المختصه بمعالجه الأطفال بالمجان من أمراض القلب من فواتير الكهرباء و لا لأ ؟؟ !!
و نجد إن الغالبيه ترفض على مواقع التواصل و يتحججون بالقانون لازم يمشى على الكل بدون إستثناء لدرجه إن الصحافه على مواقعها تعمل إستفتاء للناس لهذا الموضوع !!
طيب ( نركن ) الناس على جنب شويه لأنهم متخلفين و جهله معظمهم و ليهم عذرهم بردوا إن النظام الحاكم يتعمد التجهيل المتعمد للشعب منذ عام 1952 حتى الآن .
طيب نكلم مين ؟؟
أكيد ( النظام ) اللى بيسن القوانين اللى بتنظم حياتنا البائسه من خلال مجلس نوابه و مجلس وزرائه .
نحكى قصه قصيره أوى :
( كلنا لسه فاكرين عماره الدائرى اللى شب فيها حريق هائل و كانت ستقع على الطريق من حوالى 20 يوم يمكن ) .
صاحب العماره ( إستولى على أرض الدوله و أخذ جزء من الشارع كمان و بنى العماره بأخذ تصاريح من المحليات الفاسده بالرشاوى و طلع ب 20 دور من بينهم 10 أدوار مخالفه و فتح مصنع للآحذيه فيها مع إن المفروض ممنوع و أيضا علشان الراجل بيصلى و عارف ربنا عمل جامع تحت العماره و علق ميكروفونات أعلى سطح العماره !!
طب ليه ؟؟


علشان يعفى من فواتير الكهرباء اللى القانون بيسمحله بيها علشان ( الجامع ) أو الزاويه اللى قرف الناس بيها !!
مش حقول للحرامى أنت ليه حرامى ! لكن من حقى أقول للدوله ليه بتخلقى حرامى و تساعديه على عدم دفع فواتير الخدمات المقدمه له ؟؟
و لولا الحريق الهائل الذى شب فيها ماكنش حد عرف حاجه و أكيد بنى أكتر من عماره بهذا الشكل المخالف .
يبقى ( زاويه ) لا تقدم و لا تؤخر و لا حتفيد الناس بحاجه معفيه من دفع فواتير الكهرباء و الماء و الغاز و صاحب العماره الحرامى ( معفى من دفع ضرائب العوايد ) علشان زاويه حتلم شويه متشددين على شويه قانطين و يحولوهم لإرهابيين بمساعده الدوله و قوانينها الفاسده المفسده .
و تيجى على ( مؤسسه طبيه تعالج الأطفال بالمجان من أمراض القلب على يد دكتور عالمى زى مجدى يعقوب ) مع إنه مش ملزم و لا مجبور إنه يعالج حد بالمجان سوى إنسانيته و رقته و قلبه الرحيم .
نجد البعض ممتعض من إعفاء مؤسسته من دفع فواتير الكهرباء و القانون لا يسمح أصلا بإعفائه منها !!!!!!!!!!!!!!!!!!!!!!!!!!!!
ده شعب و لا دى دوله و لا ده قانون ؟؟؟؟
ده قمه الفشل و الغباء و الجهل و التخلف و العنصرية .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in فكر حر. Bookmark the permalink.

1 Response to موضوع يجعل الواحد يلعن البلد بللى فيها .

  1. محمد القرشي says:

    لقد علمتني التجربه ان العرب بكرومازوماتهم السته والاربعين هم مجموعه بشريه غير قابله للتطور ان عقلهم المتجمد، ، الاناني لن يتطور من مرتبه العصابه المافيوزيه التي تنضح . لقد ابتلينا حتي في بلاد الاغتراب بهذه النماذج القذره من المخلوقات اللعينه التي جعلت كل جميل في الحياه لعنه كادمغتهم . الا لعنه الحياه ولعنه كل متحضر عليهم وعلي ثقافه الجهل والقذاره تلك.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.