مواطنة سورية موالية ترد على وزير المالية مأمون حمدان

Amira S. Meree

وزير المالية مأمون حمدان عبر اتصال هاتفي على الفضائية السورية لتوضيح قرار التصريف الأخير :

( يجب على العائلة الدفع مهما كان عدد افرادها..
يتوجب على أي مواطن الدفع حتى ولو خرج ليوم واحد..
القانون يشمل السوريين فقط ولا علاقة له بالجنسيات الأخرى..)

وبيجيك محشش بيقلك الوطن ليس فندقاً تغادره عندما تسوء الخدمة ..

_ صح ..
بس كمان الوطن ليس مسلخاً نندبح فيه متل البهايم بالطوابير والدور والقهر ..
وليس خازوقاً نتناوب بالجلوس عليه تلت مرات باليوم بدون طعام
ولا مقبرة نسعى جاهدين حتى نحجز فيها مترين بمتر بشق النفس
ولاحبل ملفوف ع الأعناق مع كل كلمة او اعتراض او شكوى
ولا غابة البقاء فيها للأقوى
ولامنظمة اغاثية بتعطيك جرعات تسول مدروسة وذكية على هيئة حماية مستهلك بحيث ماتموت ويخلوك فزاعة بوجه العدو الخارجي وبأوقات السلم تصير انت ألد الأعداء

نحنا الوطن بالنسبة النا بيت وعيلة وشعور امان ورفقة وذكريات وحنين
انتو ساويتوه فندق بلا خدمات و بأسعار خمس نجوم

اللي بدو يغادر لسوء الخدمة راح مع اول رصاصة بالحرب
اما اللي بدو يغادر اليوم رح يغادر بسبب سوء التقدير وسوء الأمانة من إدارة الفندق .

#ادعية_وأذكار
اللهم اجعلني من المشمولين بقرار تصريف ال100 دولار انا وكل من قال آميييين

#قطاع_الطرق

This entry was posted in ربيع سوريا, فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.