من مجرمي النظام 2  اللواء رفيق شحادة ..

من مجرمي النظام 2  اللواء رفيق شحادة ..

Mhd Soubhi Alhawa

تقول التسريبات ان رفيق شحادة عندما اعطى تعليماته لعناصره بضرب اللواء رستم غزالة حتى تتكسر العصي التي بأيديهم ….وهو يعرف انها لن تتكسر …. مهضوم موهيك
رفيق شحادة من اقذر شخصيات الأسد ….وأكثرها استعراضا…..
حاولت ان اجد صورة في الانترنت تبرز شكله التشبيحي والمرعب بالعضلات المفتولة …. لكنني لم اجد الا صورة واحدة اعتقد انها قبل ان يتقاعد عام 2018 موجودة باسفل البوست…. وفيها يبدو هرما ونحيفا …. من اخر مرة شاهدته فيها 2013 … يبدو انه ارهق تماما في هذه الفترة … من كثرة السهر وتعذيب وقتل المعتقلين ….
قابلت اول مرة فيها رفيق عندما كان رئيسا لفرع الامن السياسي بدمشق بحدود 2004… اما السبب فهو قصة طريفة سارويها بتفاصيلها
كنا مساء اتردد على مقهى اوتيل الشام او مقهى الغورا في ساحة النجمة …. مرة كنا نجلس في الغورا مجموعة من المعارف منهم المخرج فردوس اتاسي والممثل بشار إسماعيل والصحفي احمد مارديني …. ما بعرف فردوس شو صرلو بدأ يتحدث عن ال الأسد حيث قال: هدول كان اسمهم بيت الجحش …. الله لايوفقك يا فردوس يعني منتحمل هيك مزحة اذا كان بشار إسماعيل (القرداحي) مو وجود … والله ارتعبت بدون ان اشعر وقفت انا واحمد … قلتله لفردوس : تضرب انت والمزح السئيل … في السيارة قلت لاحمد: نقرا الفاتحة على صاحبنا…. اعني فردوس…. قلي: قراها …. بعد عدة أيام اخبرني ان العميد رفيق عازمنا عالقهوة …. تضرب انت وهالعزيمة …. رحنا لعند رفيق …. رحب بنا وحيا وطنيتي بعد ان استعرض قصة فردوس … واردف….كان سكران الكلب … الحمد لله ناوي يساعده ….نحنا ما بينقصنا من الواجب شي … كلب وستين كلب … كيف بيكفر بالديكتاتور الاله …. المهم انه استدعى مساعده … اخد افادتنا …. على ان فردوس سكران … وماعرف شو حكى ….
انتهت قصة فردوس على خير …. اما العبرة من القصة 🤣🤣. فهي خمس عبر (رفيق ومعلمو جحاش … وانا صرت وطني لاني قلت .. تضرب انت والمزح السئيل.. الله نجا فردوس من تهمة الزندقة والكفر.. وبشار إسماعيل ارخص مخبر في دولة الأسد… اما الخامسة فهي ان حتى رفيق وقت بدو يضب قصة متل هي لزم يكون عنده مستندات)
المهم رجع رفيق الجحش للقصر …. واستلم زريبة الحرس عفوا قصدي امن الحرس …


في العام 2006 اخبرني الدكتور نبيل الجابي صديقي ورئيس جهاز الاشراف الهندسي في مكتبي بان رفيق عازمنا عالقهوة ….يانبيل شو بدو عطي …. زبطو … بلا فنجان هالقهوة …. بالحقيقة رفيق اذا عم يبتسم بتحسو بدو يعض …. المهم رحنا شربنا القهوة وزبطنا الوضع …
راحت الأمور … وافتقدت ابتسامة رفيق حتى 2012 حين صار رئيس شعبة المخابرات اتصل بي صديقي حسين مخلوف محافظ ريف دمشق … ابورامي …. اللواء رفيق بدو يشتري فيلا من عندك ومر زوره حابب يشوفك وتشرب عنده فنجان قهوة … الله يلعن القهوة وشربها …. سوينا الوثائق للفيلا ورحنا لعند اللواء … شربنا القهوة … وقللي عند توديعي … ببعتلك حقها لعند حسين …. طيب سيدنا ….
بعد عدة اشهر كمان اتصل العقيد مدير مكتبه … بلاطول سيرة رحنا لعندو نشرب القهوة … ناولني رفيق دفتر الفيلا … وقللي: بعلي ياها متضايق عمصاري …. بكفيني اربع ملايين مربح …. طيب امرك …. ونفذنا المطلوب
في نهاية 2013 كنت خرجت الى باريس … رن هاتفي السوري كان مازال رومنغ معي .. بيوم جمعة … مكتب رفيق : ابورامي … افيك تمر لعند سيادة اللوء خلال ساعة …. ياجماعة ما احلى الحرية …. اجبته بمنتهى البرود : لا … قللي مدير مكتبه : ليش وينك انت … اجبت : بعيد شوي … حبيبنا انا بباريس … سكر السماعة … و ماعدت شربت قهوة عند رفيق حتى اليوم ….
كنا عايشين ..هي عيشة … تضرب هيك عيشة
نسيت خبركن انه رفيق كمان نسي يبعتلي ثمن الفيلا لعند حسين متل ماقال…

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.