مفتاح شب حسب البرج:

#الحمل : هاد فورا بيوقع بغمزة بضحكة بمعلش او سؤال لو سمحت ..حتى لو كان مرتبط …بتلاقيه بين احضانك .. العيون بيغروه اكتر شي

#الثور : لازم تكوني بنت هادية ،راكزة ،ملامحك ناعمة وبريئة صوتها خفيف .
شو بدك بالحكي اعزميه ع بيتكن ع ملوخية ورز ..بيوقع فورا

#الجوزاء : هوي بزبطك وبزبط رفقاتك وقرايبينك والحارة كلا ..اكتر برج نسونجي تقريبا ..عليه لسان يا عفو الله

#السرطان الحنون القاسي : قعدي مقابيلو فتحو مواضيع وسردي بعيونو وحطي موسيقا رومنسية ..مروان خوري مثلا ..وحطي ايدك ع ايدو عاساس انو اجت بالغلط ..هون ب هاللحظة احاسيسو بتوصل ل الذروة ..وبيوقع..ملاحظة : ما بحب البنت القوية لانو شخصيته ضيعفة ..بخاف منا

#الأسد : لازم تكوني جميلة ..شي اساسي ..ما ضرورة خارقة ..لازم تكوني متفائلة ونكتجية وانيقة ..دلعيه بالحكي ..علوشي…حمودي..يسلملي جمالو ..دخيل هالكرش ..ولاتقلي حالك عليه ..اي هيك بيوقع الا اذا في حواليه احلا واظرف منك

#العذراء : بمصلحة برج مصلحجي اشتريلو باكيت احكيلو عن مشاريع اقتصادية بيوقع فورا هل يهودي

#الميزان : مع انو مايع شوي..بس اذا حبيتي تظبتيه لازم تكوني انيقة مشهورة ومحبوبة وبيجيكي ميتان كومنت ع صورتك وميتانتان لايك يعني اربعمية ..بحب بيعمل علاقات حب وصداقة مع العالم العندن شعبية

#القوس : لازم تكوني مجنونة متلو وعقلك جوزتين بخرج وسردينة

#العقرب : ابعدي عن الشر وغنيلو برج مشراني اناثا وذكورا

#الجدي : هالنس هادا عاملي فيا الشب الجدي الهادئ المؤمن الغضيض البصر وهوي ارزل عباد الله ( بصوت ابو محمد الكومجي ) …عكل حال هاد اكبر نسونجي بس من تحت لتحت ..بتوقع لازم تكوني قوية وبندوقة وعندك قدرة رهيبة بالحوارات الرسمية ..بميل للغزل التقليدي من ايام نزار قباني

#الدلو : شو بدك بهالجبل الجليدي غير الله ما بيفهم ع عقلو لهل تنبل

#الحوت : كوني متل روز بفلم الشختورة الكبيرة.. قعدي جنبو وتطلعي فيه وقليلو شايفة بعيونك لمعة حزن ..برد عليكي وبقلك شايف بعيونك سما ما بتخطر عالبال ..وبيوقع

#انتظروني_في_تطبيق_الاناث_حسب_البرج
منقول

About أمل عرافة

أمل عرافة خبيرة فلكية مجازة من معاهد لاس فيغاس ولندن, نيودلهي, بكين وطوكيو وجنوب افريقيا, دراسات معمقة في علم التنجيم , اهم ما تنبأت به هو كارثة تسونامي, وصول اوباما الى رئاسة اميركا, وحادثة الطائرة الماليزية, كاتبة مغربية بشؤون المرأة العربية والفن
This entry was posted in توقعات الابراج. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.