معارض “كيوت” غسان جديد: مشروع #الأسد تشبيك البحار الخمسة

Bassam Yousef

في مهندس فهلوي باللاذقية، آخد وضعية القائد التاريخي الملهم، وعامل معارض “كيوت”، و”مودرن”، وهمه ع الوطن.
اعتقل بزمانه منشان بوستات، وتعاطفنا معه، وكتبنا عنه.
يبدو انو موعود، أو أنه يحلم، بشي منصب بعد انتخابات المهزلة، ولأن اي منصب يمر عبر رضى مالك سوريا وخالقها بشار الأسد، فقد قرر المهندس الجهبذ ان يعزف على مقام ( الرئيس ممتاز بس اللي حواليه عر_صات ).
مبارح اتحفنا هذا المثقف ببوست فحواه ان كل ماحدث لسوريا كان بسبب مشروع بشار الأسد المسمى (تشبيك البحار الخمسة)، وانو المؤامرة اللي صارت على سوريا هي فقط من أجل إفشال خطة الرئيس الخارق الحارق المتفجر الذي لو نجح مشروعه لغير خارطة العالم، وخود على تعليقات مادحة لهذه النظرية العملاقة.
قبل ما كمل هذا البوست لازم قول انو انا خيو أقلعت عن محاولتي بأن أكون مهذب، وطظ بالتهذيب كله، وما بدي صفة السوري الرصين، ولا صفة المهذب، لأنه لكل مقام مقال .. ومقام هؤلاء يتطلب هيك لغة.
يا فخامة المهندس مشروع تشبيك البحار الخمسة بدو هز كتاف، وبدو دولة قوية اقتصاديا متل ألمانيا مثلا، أو الصين، وبدو قوة عسكرية، وبدو تطور تكنولوجي، وبدو شعوب مقتنعة بأهميته، لأنه هيك مشروع رح توقف بوجهه أمريكا وأوروبا ويمكن الصين وروسيا … فكيف رح تقنعنا أنو بشار الأسد عندو قدرة على القيام بهيك مشروع؟ يا إما انت حمار، يا إما انت صرت بوق متل ناصر قنديل ووفيق نصر الله تبع خلصت، وطالب ابراهيم تبع البارجة الألمانية، والجحش خالد العبود.
والمؤامرة اللي حضرتك بلشت تعزف عليها اليوم شو علاقتها بانو رامي مخلوف ينهب كل اقتصاد سوريا، وشو الها علاقة انو مدينة اللاذقية ومعظم المدن السورية، ضلت أكتر من 30 سنة بدون مخطط تنظيمي لحتى صارت العشوائيات فيها ضعف المناطق المنظمة، وشو الها علاقة المؤامرة انو بيت الاسد تفوق ميزانيتهم عن المئة مليار دولار؟
لتكون مخربط بين تشبيك البحار الخمسة، وبين تشبيك البنوك الخمسة اللي عم يحط فيها معلمك المعاق عقليا بشار الأسد ما ينهبه من الشعب السوري؟


شو خص المؤامرة بفساد القضاء، وانحطاط مستوى الكهربا والخليوي والمشافي والتعليم و..و…
شو خص المؤامرة بقتل عشرات الاف السوريين تحت التعذيب، ليش ما يتحاكموا مثلا؟ وشو خص المؤامرة انو انت هلا عم تلحس الصرامي منشان تفتح بوشك وتصير شي مسؤول ؟
يا معالي الباش مهندس. أنا رح قلك شو مشروع معلمك الحقيقي اللي ما الو علاقة بالكذبة (مشروع تشبيك البحار الخمسة).
مشروعه : أول مرحلة: تشبيك البنوك الخمسة.
تاني مرحلة: تشبيك الاحتلالات الخمسة.
تالت مرحلة: تشبيك المحافظات الخمسة.
لذلك لازم يكون حمار برخصة اللي بيصدق هيك كذبة.
هششششش يا باش مهندس.

This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.