مطرب من #مصر يغني في #السعودية فيستبدل كلمة خمور وحشيش بتمور وحليب علشان دى أرض طهره

بمناسبة هجوم هانى شاكر على عمر كمال بسبب غنائه بنت الجيران فى السعودية مستبدلا ( خمور & حشيش ) ب ( تمور & حليب ) !
و عندما تم سؤال ( عمر كمال ) لماذا إستبدلت الكلمات فى السعودية قال علشان دى ( أرض طهره ) !!

الكاتبة المصرية رشا ممتاز

فا قامت قيامه هانى شاكر متوعد بعقاب شديده و قضايا ضد عمر كمال و قال إن مصر مصانه و و و و و
سؤال لهانى :
أنت حتجيب مستوى تعليمك و رقيك و فكرك و دبلوماسيتك لواحد زى عمر كمال ؟؟
سؤال تانى لهانى :
قبل 5 سنين من الآن هل كنت تجرؤ يا هانى أن تحيى حفل فى السعودية و مثلا تطلع معجبه سعودية تحضنك و تبوسك على المسرح ؟؟
أكيد لأ !
السؤال ليه ؟؟
لأن التقاليد الصارمه الذكورية فى السعودية لم تكن وقتها تسمح بذلك عكس الآن مع الإنفتاح
و لو كان عمر كمال غنى فى السعودية ( خمور و حشيش ) لم يكن سيسبب ذلك مشكله له على فكره فيها الآن
و لكن لأنه نتاج مجتمع متخلف جاهل يعتقد فى قراره نفسه مثل أغلبيه الشعب إن السعودية أرض طاهره !! إستبدل الكلمات !
و لا يفرق شيئا عن المتخلفين الجهلاء اللى نفسهم يموتوا و يتم دفنهم فى ( المدينة أو مكه ) و كأنهم بكده قال يعنى خلاص حيدحدفوا على الجنه !!!
كبر عقلك يا هانى الظواهر الغنائية البيئه دى مش حتنتهى حتى لو سجنت و منعت 10000 منهم لأنهم ببساطه نتاج المجتمع المتخلف الذى نحيا فيه و لن تختفى تلك الظواهر إلا عندما يعتدل الهرم الإجتماعى و ده محتاج
تغيير دستور و قوانين و تغيير منظومه التعليم و الإعلام و تجديد الخطاب الدينى و المساواه الإجتماعية و القانونية اللى بجد بين المرأة و الرجل و إنتاج أعمال فنية كثيرة راقيه متنوعه فى التمثيل و الغناء لأن العمله الجيده فعلا لتطرد العمله الرديئه و لكن للآسف ما يقال عليه جيد الآن عباره عن تقليد ( أفلام أمريكية ) بعناصر محليه بتكون النتيجه ( فيلم هندى تايوانى ) !!
أما الغناء مكرر و لا يوجد جديد فى إنتاج النجوم الميجا ستار فهم يعيشون على أمجاد الماضى و نادر ما تظهر أغنية من هنا أو هناك تستحوذ على إهتمام الناس .


يعنى من الآخر أنت تحرث فى البحر لأنك تعتقد إنك ستقضى على ذلك الهاموش و لكنك عندما تمنع واحد منهم بيظهر كل يوم بعده 1000 لأن ده للمره المليون نتااااااااج المجتمع الحالى
و الدليل منعت 18 منهم ظهر واحد تنهيقه كان التريند بحثاله يقال عليها أعنية إسمها ( شيماء ) !!!!
المجتمع اللى تبقى حثاله زى ده يبقى تريند فيه يبقى العيب مش فيه العيب فى المجتمع ذات نفسه يا هانى .
لا السعودية طاهرة و لا مصر نجsه !!
و لكن دى عقليات و تفكير الناس دى مش لوحدهم و لكن الغالبية للآسف من الشعب الغارق فى الظلمات و الجهل و الغيبيات و قال الغلام مجانص و قال الشيخ أبو فسيه !!
إعدل الهرم حيتعدل المجتمع .

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن. Bookmark the permalink.

1 Response to مطرب من #مصر يغني في #السعودية فيستبدل كلمة خمور وحشيش بتمور وحليب علشان دى أرض طهره

  1. مقالة رائعة .. خير الكلام ما قل ودل …
    العيب فى المجتمع ذات نفسه لأن خلطة الدين بالثقافة العامة وتغييب المفكرين وحرية التعبير التي تستند على النقد بكل أشكاله والحوار أتفقدت بفعل المؤسسة الدينة لمنع التشكيك بالمسلمات المتناقضة والمغلوطه .. تحياتي

Leave a Reply

Your email address will not be published.

This site uses Akismet to reduce spam. Learn how your comment data is processed.