#مصر فصل الاستاذة #منى_برنس #جامعة_السويس بسبب رقصها فوق سطح بيتها

شاهد لماذا تم معاقبة هذه الاستاذة الجامعية منى برنس في مصر

الحرية الحبيسة هي تعبير صادق جدا عن حالة النفاق والفصام التي اصابت المجتمع ،
افعل ما شئت طالما في السر روح شقة العبور ، اتحرش اغتصب ، ارتشي اسرق اقتل اكذب اشهد زور ماشي مافيش مشكلة ،
وفي العلن استشيخ واضرب الزبيبة وامسك السبحة وأؤمر بالمعروف وأنهي عن المنكر كدة انت تمام وعلي العين والرأس ،
#مني_برنس استاذة جامعية بكلية التربية جامعة السويس ، من كام سنة كانت عملت فيديو بترقص فيه فوق سطح بيتها (شاهد الفيديو بالنقر على هذا الرابط:شاهد لماذا تم معاقبة هذه الاستاذة الجامعية في مصر)، الجامعة عملت لها مجلس تأديب واتخذوا قرار بفصلها من عملها بالجامعة ، عملت طعن في قرار الجامعة امام المحكمة الإدارية العليا ، النهاردة المحكمة رفضت الطعن بحكم نهائي بفصلها،
وأضافت المحكمة أن أوراق القضية تضمنت قرص مدمج احتوى على صور لـ”برنس” بالمايوه منشورة على صفحتها على فيسبوك، وكذلك صور أخرى كثيرة وهى ترقص ،
القضاء برضو ضيع مستقبل بنات رقصن علي تيك توك منهم حنين حسام ومودة الأدهم وحتي سما المصري تم سجنهم ،
فيه نطع متحرش مغتصب اغتصب بنت اسمها جيهان بلغارية عراقية وسايبينه يبرطع زي الحمار الحصاوي اللي عايش في الزريبة وأتحدي لو تمت محاكمته ،


اللي مش قادر افهمه ازاي حرية الاعتقاد مكفولة بشرط تكون حبيسة في النفس دون الجهر بما يخالف الاديان ( نكتة والله ) !
اسف دي مش اسمها حرية اعتقاد ولا اسمها حرية تعبير دي اسمها تكميم افواه ولو عايز حرية اعتقاد أو حرية تعبير ده يكون في أحلامك يا مواطن،
حزين عليكي يا مصر ومش عارف انتي رايحة علي فين بالظبط !
حورس المصري

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.