#مسيحيو_إدلب ما لم يعرفه #السوريون .. !!! #إدلب

بنيت القرى المسيحية اللاتينية بإدلب ع الطراز الإيطالي بإشراف الرهبان الطليان الفرنسيسكان

 #مسيحيو_ادلب ما لم يعرفه السوريون .. !!! 
📌عاش بإدلب 250 الف مسيحي
موزعين على قلب المدينة والأرياف
متل الغسانية والقنية واليعقوبية ..
📌وجود المسيحيين بإدلب قديم
من ايام حكم السريان والبيزنطيين
وفي كنائس ادلبية محفورة بالصخر
و عمرها من عمر انتشار الديانة
المسيحية ومسجلة تراث عالمي ..
📌اشتغلوا المسيحيين بصياغة
الدهب وكانوا مسيطرين عالسوق
بتلاحظ انو قارمات المحلات كلها
الصائغ انطون، الصائغ ألبير، وماحدا
بنافسهن بهالمجال ضمن ادلب ..
📌بينقسم مسيحيي المحافظة
لروم ارثوذكس ولاتين كاثوليك و
ارمن ارثوذكس وعرب انجيليين ..
📌بنيت القرى المسيحية اللاتينية
بإدلب (ع الطراز الإيطالي) بإشراف
الرهبان الطليان الفرنسيسكان
📌الكنيسة الإنجيلية الوطنية
بقلب المدينة كانت تقدم اكل وعلاج
لكل الناس ببلاش وتاريخها عظيم
بهالمحافظة بسبب الخدمات ..


📌قرية اليعقوبية بإدلب هي مزار
للأرمن السوريين وفيها جوا كنيسة
مهمة للقديسة (آنا اليعقوبية) ..
📌مسيحيي ادلب مثقفين جدا
معلمين مدرسة واطباء ومهندسين
و تجار و صائغين و سياسيين و
نسبة منن مغتربين من زمان كتير
لخارج البلد او لمحافظة حلب ..
📌ادلب اجمل مما تتصور بمليار
مرة، ومستحيل تصدق انو هي القرى
ببلد عربي او حتى بالشرق الأوسط ..
📌كنائس عملاقة بالحجم وشوارع
مرصوفة بالحجر الأسود وبالطرقات
في أقواس وقبب ..
📌ع فكرة مدينة بشّري اللبنانية
المارونية بناها سكانها (تقليد لقرى
ادلب المسيحية اللاتينية) وهالشي
حكى وكتب عنو الراحل جبران خليل
جبران بس اعلامن اللبناني اقوى من
اعلامنا لهيك لبنان اهم منا بالسياحة ..
📌ملاحظة فيلم ((دمشق مع حبي))
صورت “مرح جبر” مشاهدها هون
بدير القديس يوسف بالقنية بإدلب ..
هي اول مرة بالحياة بيغلطوا وبيحكوا
عن منطقة خارج دمشق يكتر خيرهن

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.