مبروك ( أسلمه ) سي تي في !!

طبعا ده ( لوجو ) قناة (سي تي في) المعروف للقناة القبطية .
لكن بعد ما ( المخابرات أو أمن الدوله ) تسللوا ليها و أصبحت كلمتهم هى النافذة فيها
القناة ( أشهرت إسلامها ) و تم تغيير ( الصليب ) فى اللوجو بحرف ( T ) عادى و إزاله كلمه ( ربنا موجود ) و تعيين ( مذيع مسلم فيها ) !!
و بكده يبقى إكتملت ( الأسلمه ) الإعلامية .
و يظهر إن ( النظام ) وجد حاله من ( الململه ) تجاهه من الميسحيين بعدما كانوا من ( أكثر ) المؤيدين له بسبب سياسته ( الإنفصامية ) فهو يقول عكس ما يفعل فى كل شيئ
و تصور إنه ببناء ( أكبر كنيسة ) لهم و حضورة الإستعراضى كل عام فى عيد الميلاد إنه كده ضمنهم فى جيبه !!
الحقيقة الواحد يقعد يستنى بقى ( خطبه الجمعه ) و لا برنامج ل ( شيخ الأزهر ) فيها !!
و لا حيكون برنامج دعوى للدخول فى الإسلام ؟؟؟
و الحقيقة لا يجب إغفال دور ( الكنيسة الأرثوذكسيه ) فى الموضوع لأن القناة تابعه لها
و هذا ( الإنحناء ) لمطالب النظام هو إتجاه معروف للكنيسة من زمان تتنازل كثير عن حقوق لها و لشعبها و النتيجه ( طائفية و عنصرية ) ضدهم فى كل شيئ .
و إللى بيتنازل مره بيتنازل 10000000 مره و هذا ما يحدث .
مبروك ( أسلمه ) سي تي في !!
( ملاحظه ) :


( البعض حيقول الأوضاع عادت كما كانت . صحيح و لكن هل ستتوقف المحاولات للسيطره ؟؟ طبعا لأ و إحتمال كبير جدا أن يكون الفتره القادمه تغيير ( ناعم ) غير محسوس بمحتوى القناة و بمقدمين برامج ( محسوبين ) او ( مزروعين ) جدد فيها تابعين للأجهزة الأمنية و مش شرط أبدا يكونوا ( مسلمين ) . فالنظام لن يتوقف على بسط فكره و سلوكه و إتجاهه على كل ما يقدم للمشاهد فى تفرحوا بالرجوع لأن النيه بانت و إنتهى الأمر )
و لولا الغضب الشعبى المسيحى لما تغير الوضع علشان تعرفوا إن القوة فى ( الإتحاد و جمع الصفوف ) نستطيع التغيير الإعتماد على أنفسنا بعدما خذلتنا إنبطاح الكنيسة و مواقفها المخزيه من الكثير من المواقف و أولها الموافقة على وضع المادة الثانية من الدستور كما هى فى كتابه دستور 2014 رغم إكتوائها من هذة المادة منذ وضعها السادات فى السبعينيات و كان كل الشعب بمختلف طوائفه المسلمين قبل المسيحيين يعولون عليها لرفض هذة المادة العنصرية التى بسببها نعيش فى دوله عنصرية طائفية بإمتياز و لكنها إنبطحت للآزهر و للنظام المتخالف معه و مع ألد أعدائها السلفيين .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in فكر حر. Bookmark the permalink.

1 Response to مبروك ( أسلمه ) سي تي في !!

  1. س . السندي says:

    من ألاخر
    يقول العلماء أصل العفن فطر صغير ، ويقول الحق أصل الطغاة طمع بدرهم حقير ؟

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.