ما يحدث مع #آمال_ماهر عار على المجتمع و الوسط الغنائى و الدوله

ما يحدث مع ( آمال ماهر ) عار على المجتمع و الوسط الغنائى و الدوله أن تتم محاربتها فى بلدها من شخص أجنبى محدث نعمه معروف بإسم شوال الرز يوزع فلوس ( مشبوهه ) هنا و هناك على مجموعه من فاقدى الوطنيه و الحس يساعدوه لمحصاره ( آمال ) و إجبرها على ( إعتزال الفن ) بعدما أغلقت كل الأبواب أمامها بسبب مجموعه من الخونه بالإسم مصريين إنتمائهم الأول و الأخير للدولارات الملوثه برائحه البترول و التى يبدو من كثرتها إنها ( تبييض أموال ) .
و فين سعاده النقيب ( المحترم ) هانى شاكر ؟؟
مالوش يعنى لا حس و لا خبر و هو على رأس النقابه التى تنتمى لها ( آمال ) التى لا يختلف إثنان على صوتها المميز !!
و لا حضره النقيب ( المحترم ) بس ماشى ورا اللى بترقص و تقلع فى الكليبات علشان يعملهم قضايا بحجه ( الإرتقاء بالذوق العام ) !!!
ده أنت المفروض يا ( محترم ) موضوع زى ده يكون شاغلك الوحيد إزاى نجمه بحجم ( آمال ماهر ) تمنع من الغناء بأمر البدوى تركى آل الشيخ و كمان فى بلدها ؟؟ !!
تمنع من إصدار ألبومها الجديد ( أصل الإحساس ) التى كانت أعلنت عن قرب صدوره .
كما تم غلق القناه الخاصه بها على ( اليوتيوب ) و منع أغانيها القديمه أن تذاع عبر أثير الإذاعات المختلفه أو حتى غناء ( تترات المسلسلات ) و رفع إسمها من أى حفل وطنى بعدما كانت نجمه أى مناسبه وطنيه .
بل تعدى الأمر حتى لعائلتها بأن تم ( غلق صيدليه شقيقها ) بعدما آمر ( آل شيخ ) بذلك !!
ليضيق عليها الخناق بمحاربتها و محاربه أى فرد من عائلتها الصغيره !!
و كل ذلك لأنه يريدها فا معروف إن ( آمال ) كانت زوجه ل ( آل الشيخ ) منذ سنوات حتى إن أغنيه ( برج الحوت ) الشهيره ل ( عمرو دياب ) كانت رساله حب منه لها و لكن الناس إعتقدت وقتها إنها ل ( دينا الشربينى ) .
المهم


إنفصلت ( آمال ) عنه و إنتهى الموضوع و منذ شهرين كانت أعلنت خطوبتها و فجأه أعلنت خبر فسخ الخطوبه و من ثم إعتزالها الصدمه و الذى يفهم من البيان الذى أصدرته إنها أجبرت على الإعتزال بعدما تم غلق كل الأبواب أمامها و صرحت إنها لا تعرف هل ستعود للغناء مره أخرى أم لا .
و علشان الناس ما تقولش طب ايه اللى خلاها تتزوج ذلك الشيئ من الأصل ؟
دى مش مشكلتنا هى حره تتزوج من تشاء سواء كان إختيارها صح أم خطأ دى حياتها الشخصيه تتصرف فيها كما تريد لكن أن يتحكم فيها بعد طلاقها منه و يمنعها من الغناء حتى فى بلدها دى كارثه بكل المقاييس و لما نقابه المهن الموسيقيه اللى من المفروض على رأسها فنان ( محترم ) تعمل نفسها من بنها و لا يصدر حتى عنها بيان يرفض إجبار مطربه على الإعتزال لأن فاقدى الذمم من المصريين فى السلطه تساعد ذلك الشيئ بعدما أعماهم بالدولارات دى فضيحه بكل ما تحمله الكلمه من معنى .
يا ترى أستاذ هانى شاكر ( المحترم ) إيه اللى مخليه ساكت ؟؟
مطعم إبنه الجديد واخد وقته و مشغول إزاى يقدم السمك مشوى على الفحم و لا سنجارى لرواد المطعم ؟؟؟ !!
و لا يا حبيبى مقطوع عنه النور و الإنترنت و لا بيشوف و لا بيسمع عن حاجه الفتره دى ؟؟ !!
و فين أصلا باقى زملاء المهنه من مطربات و مطربين ما حدش منهم يعنى دعم آمال ماهر !!!
كلهم قابضين من الشيئ و مخروسين و خايفين و لا إيه ؟!
ما يحدث مع ( آمال ماهر ) فضيحه و كارثه للوسط الغنائى المصرى من مطربيه للمؤلفين للملحنين للموزعين للمنتجين أن يروا نجمه بصوت مثل صوت آمال يتم إجبارها على السكوت و الجلوس فى البيت علشان شوال الرز القذر بفلوسه الملوثه يحاربها فى بلدها و الكل ساكت و حاطط جزمه فى بوئه لأنه أكيد كاسر عينهم كلهم .
و فين كمان ( عمرو أديب ) و جوقه إعلام العار من الموضوع ده مش غريب إنهم كمان مخروسين و لا خايفين يتكلموا علشان ( سيدهم البدوى ) ما يقفلش حنفيه الدولارات عنهم و يمنعهم من حضور ( موسم الرياض ) السنوى اللى بيرجعوا منه عندهم تخمه !!
#إدعم_آمال_ماهر
#إدعم_بنت_بلدك
#العار_على_نقيب_الموسيقيين_هانى_شاكر
#تركى_آل_الشيخ_شوال_الرز_القذر_يمنع_آمال_من_الغناء_فى_بلدها

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.