Salwa Zakzak
اليوم بمركز إصدار البطاقة الذكية، النساء اكثر من الرجال، الموظفة تسال عن الرجل فورا ، كل النساء الموجودات بلارجال..طلاق وموت وغياب وهجرة وكلشي..
في سيدة قالتلها : مافي رجال وانا جاي من الدير وبدي بطاقة للخبز..بدنا ناكل.
الموظفة سالتها مرة ثانية عن زوجها..فأجابت السيدة: مو هون، بدنا خبز، الخبز اهم من الرجال.
سيدة اخرى قالت خلص مشوا البطاقات للنسوان..هنن الاكتر وهنن صاروا زلم البيوت..
مدري صار الزلمة حقو ربطة خبز ؟ مدري فرطت مسبحة الزلم وصاروا بخبر كان وغيابن اسهل من الجوع؟ مدري كلشي نشف وقسي من رغيف الخبز للقلب التعبان حتى من سؤال وينو جوزك..
بالمدارس الولاد بيبكوا بس تسالن المعلمة شو بيشتغل ابوك؟ بيقلها ميت..او مابعرف، او مابعرف ابي اصلا، او بيقلها مسافر، او مشلول او مريض ومابيقدر يشتغل.
لاتسالوا عن الرجال..لا بالمدارس ولا بالطرقات ولا بالدوائر الحكومية..في شوي منن عالفران وعالكازيات وشوي عم يلموا رزقن بالطرقات..هدول من تبقى..دللوهن وحافظوا عليهن كي لا تجف قلوب النساء وكي لا يبتلي بالقهر الابناء.، دللوهن بلكي هالارض بتعمر ومابتضل بس حزن وركام. …
نزكي لكم ايضا قراءة: فرغت المدن السورية من الرجال واصبحت النساء تمارس السحاق علناً
