ليش طعمة النبيد اليوناني بتشبه طعمة النبيد السوري وما بتشبه طعمة النبيد الطلياني والفرنسي؟

تَرْجِعُ النَّفْسُ إِذَا وَقّرْتَها وشفاءُ الهَمِّ في خمر وماء بشار بن برد

Fares Albahra

-قولك ليش طعمة النبيد اليوناني بتشبه طعمة النبيد السوري وما بتشبه طعمة النبيد الطلياني والفرنسي؟
>خيو هدينك كاتوليك، والنبيد اليوناني والسوري أرتدوكس
-هلأ السوريين أرتدوكس؟ السوريين أغلبهن إسلام سنة
>إيه سنة يعني على سنة الله ورسوله، يعني على الصراط المستقيم، يعني أرتدوكس.
-بس السنة ما بيشربوا نبيد
>وشو عمتعمل حضرتك هلأ؟
-يعني بقصد نادراً ما يشربوا
>يلعن سماك هلأ إنت نادراً ما تشرب؟
-إيه أنا حالة خاصة


>ونص هالشعب حالة خاصة متلك
-والنص التاني؟
>أرتدوكس!

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.