تزوجتني من أجل الحب أم من أجل المال
فاتنة عبارة
لماذا اختارت أسماء #حمص و #بابا_عمرو تحديداً لتضع صورها و تلعب هذه اللعبة الخبيثة .. وهل لعبة رامي مخلوف الحرامي نجحت ..وهل يوجد توافق او مطبخ دولي يطبخ اسماء لمرحلة انتقالية ..؟!
منقولة وصحيحة..
من حمص اليوم وريفها..
جمعية العرين دقو لذوي الشهداء والجرحى قالوا في أجتماع كرمال التكريم..
اجتمعت كل هالعالم بالباصات من الساعة ١٢ ونص الضهر
اخدون ع ملعب الباسل في (باب عمرو) وصلنا كان الأمن مطوق كل المنطقة
وصور السيد الرئيس والسيدة أسماء الأسد ع طول البنايات وأعداد الناس هائلة.العالم انبسطت فكروا السيد الرئيس او السيدة جايين كرمال يكرموهن..
شو هالمسخرة هي لي اخواتنا وولادنا وابائنا يلي راحو كانو مسخرة؟؟؟
أجت سيارات بقلب الملعب صارو يزتو قنينة مي وبسكوتي وكأنو العالم بقر أو غنم عندن( اسفة ع هالتعبير) بس عم احكي كلشي صار
طلعت الطيارات صورت وأجا مسؤول مامنعرفو مسك ورقة صار يقراها وكأنو بحياتو مو فايت المدرسة ..
أجا الدور ع موظف بجمعية العرين : قال بالحرف شكراً لأنكن لبيتو دعوتنا ع الاجتماع وهلق منتمنى منكن تلتزموا وتتفضلو بهدوء..
كانت الصدمة رهيبة للعالم
مناظر بعمري مابنساها جريح مالو رجلين.. أم ختيارة صارت تختنق هنيك.. أم شهيد عاملة عملية ديسك..ومنو كتير
رخونا بالشوارع وصرنا نترجى أصحاب الباص بس ليوصلونا ع بيوتنا
هالشي اللي شفتو اليوم بعمري مابقى انساه..
كل اللي طالبينو نعيش بكرامتنا بقلب بلدنا…
ياضيعان شبابك ياسوريا
كلو موثق بالفيديوهات .. المهزلة انتهت الساعة ٥
بتمنى اللي ماكان موجود لا يتفلسف ويحكي لأنو ماشاف او داق الذل
هي قيمة الشهيد ببلدي؟؟؟؟؟؟
