لشو عم تبنوا كنايس؟ ليش بعد عشرين سنة رح يبقى مسيحي بفلسطين ؟

كتاب مفتوح
لشو عم تبنوا كنايس؟ ليش بعد عشرين سنة رح يبقى مسيحي بفلسطين ؟
روحوا شوفوا كيف بدكن تحافظوا على وجودنا بهالبلد ،
كل حجر عم بتلبّسو فيه حيط لكنيسة : بيلبّس ولد فقير
شعبكن طفران …
و انتو بتلمّو الصينيّة و بيروحوا المصريات للكنيسة تيعيشوا لخوارنة و يشتروا سيارات آخر موديل و يركّبولها ارقام مميّزة و يسافروا درجة اولى و يعملو شوبنغ ب اوروبا
شعبكن جوعان ..
و برّاداتكن مليانة لتاكلوا و تنتفخوا
عالدفن بتقبضوا
عالعرس بتقبضوا
عالعمادة بتقبضوا
و ما بتشبعوا…
بدال ما تزيدو لقسوطات ، فكّروا كيف بدكن تساعدوا الفقرا ليعلّموا ولادن
عملولن مدارس باسعار رمزيّة
عمّروا بيوت للشباب ، ليبطلوا يهاجروا و باسعار الكلفة
مش يقضّي حياته الواحد يدفع كمبيالات
عندكن تلت مساحة فلسطين اراضي
و تلتين المسيحيّة ما عندن شقفة ارض مترين بمتر ليندفنوا فيها
شو نفع اراضيكن اذا ما عاد فيها الّا ناس تحت التراب ؟
ايّ مسيح بتعبدوا


ايّ دين
ايّ ضمير
المسيح انصلب على صليب من خشب
و انتو بتتباهوا بكبر صلبانكن الدهب
حافظوا على هالشعب
عالقليلة ليضلّ يعبّيلكن سلالكن
” حينئذ خاطب يسوع الجموع و تلاميذه قائلاً :
فكل ما قالوا لكم ان تحفظوه فاحفظوه و افعلوه
و لكن حسب اعمالهم لا تعملوا لأنهم يقولون و لا يفعلون “
# منقول

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.