لا تقولي عن حالك قوية لأنو الدمعة علقانة بطرف عينك وشايفتا من هون…

Salwa Zakzak

لاتلبسي أساورك الذهب، عم يقتلوا النسوان ولو عسنسلة صغيرة.
لا تلبسي كعب عالي الطرقات مفشكلة وأقل رض بيكلف خمسين ألف ليرة..
لاتلبسي ضيق بيلطشوكي..
لا تحطي مكياج كل السيارات بتزمرلك وبتضوي الفلاشرات..
لا تقولي زوجك مفقود دغري بيسألوكي يعني عايشة لحالك؟
لا تعيطي لحفيدك بالطريق بيقولوا عم تتباهي بأنو مو مبين عليك أنك تيتة…
لا تفاصلي البياعين بيقولوا عنك بدك كلشي ببلاش…
لا تطالبي شوفير السرفيس يبدلك الخمسين لأنو ممكن يقلك
مجعلكة متل وجهك..
لاتقولي مفلسة لأنو بيقوللك في مية زبون جاهز…
لاتحكي عن بيتك يللي راح بيقولوا عنك بتستاهلي…
لا تحكي شعارات مع سيدات غامرتن الغربة وحاسينك جاية من المريخ…
لاتقولي قدام غيرك عغرض أنو رخيص وبيكون سعرو
آلاف..


لاتقولي الحمدلله ماخسرنا شي.لانك وقتها بتكوني خسرتي كلشي.
لا تقولي عن حالك قوية لأنو الدمعة علقانة بطرف عينك وشايفتا من هون…
لا تجربي الخلطات ودوا الأعشاب عأساس كلشي بالبلد طبيعي..ومو ناقصك غير إطلالة مشرقة…
.

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.