كيف تميز بين المسؤولين في #سوريا ؟؟؟………

Feras Abdin

المسؤول العلوي لما يسرق متل جرس على طيز بغل بيجرص الدني ..
وأول شي بيعمرلك قصر براس الجبل مع الضباع وكل واحد من الأولاد سيارة ( بي ام ) او مرسيدس وخود على حفلات وفشخرة ، وأم جعفر ( المدام ) ما بتتسوق غير من دبي وبيروت وباريس لأنو البابا هيك معودها …
…………………………
أما المسؤول السني لما بيسرق فأول شي بيعمله بيكتب هذا من فضل ربي وخود على حركات تقوى وايمان وأنو أخوه مات بالبرازيل وتركلو مية مليون دولار ورثة ، واكيد لازم يروح عالحج ويخبرنا أنو شاف النبي بمنامه وبيضل قاطع ايدو وعم يشحد عليها .. وبس يتقاعد بتشوف المعامل والمطاعم يلي بتطلع عندو وكلو بتقوى الله …
………………………


بيضل عنا المسؤول المسيحي لما بيسرق بيمشي الحيط الحيط وكل أمواله برا البلد لأنو دائماً بيشعر بالخوف وبأنو ماحدا وراه . وبروح عالكنيسة بيشعل شمعة لتمثال مار شربل
وتمثال مار يوسف . وبيرتل السلام عليكي يامريم .
===============
المشكله أنو كل طائفة بتستميت بالدفاع عن حراميتها والتبرير لهم ..
المشكله أنو ماحدا عندو مشكله بالفساد طالما لصالحه ..
المشكله أنو ماحدا بدو الصح بس الكل بدن حصتن من الغلط …
طبعاً هي وجهة نظر مواطن مندس عميل وقابل للنقض بطريق اللبط …
عشتم وعاش السؤول السوري فاسداً حراً ابياً ..

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.