كنا بسوريا، وبالشام، نقعد انا ورفقاتي الرائعين على كاسة متة

الاديبة السورية سوزان محمد علي

كنا بسوريا، وبالشام، نقعد انا ورفقاتي الرائعين على كاسة متة، نقعد ونشوف صور هالسوريين بأوروبا، ونقول اللهم جيرنا، ولله العزة والحمد والجبروت.
كنا بالشام مفكرين على حسب صور الفيس، والسوريين برا، ومجموعات وصفحات الفيس والانستا وصور الرحالة العرب الأكذب من مساعد أول بالهجرة والجوازات، وصور هالأكل والفلافل والزيطة والرحلات والمولات وشارع طيز العرب في برلين….
بشرفي كنت مفكرة بس اطلع ألمانيا رح لاقي السوبر ماركت السوري حاطط بين الخيار قناني بارفان…أو فارش مطعم الشاورما ورد ومخمل…
يا جماعة اديش فيه كذب….يا جماعة لو بتعرفو قرص الفلافل من عند الحمصي بجرمانا بالروضة بحط المانيا بطيزو الضيقة…
لك بتعرفو شاورما البرج تبع القصاع؟؟
بس تاكلو سندويشة من هنيك بشرفكون هيك ارقصوا بعدها….وغنوا واعملوا حفلة….
يا شباب يا طيبين يا رفقاتي وأهلي جوا سوريا، بحب قلكون أنو أي دكان بأي ضيعة بأي زاروب بسوريا أحلى من اي سوبر ماركت سوري بألمانيا…
تعو شموا ريحة الزيت المقلي
ودوقو الفطاير المعجنة
ودوقو قرص الفلافل اللي من جوا مو مستوي ولونو أسود هيك مكشر.
تعو شوفو السوبر ماركت كبف حاطط برا صناديق الخضرا ومعربشون وقاعد مع كرشو عم يكش دبان.
يا شباب العرب هيا، السوريين هون عاملين ماركت ومطاعم الون فقط، وقصة انو الاجانب مقتلوين علينا كذب بكذب، الأتراك مسيطرين ومن زمان على هالقصص، بتفوت عالماركت التركي بتتمنى ما تطلع..
الالمان بيروحو مطاعم الأتراك…واذا صدفت انو راحو مطعم سوري بتكون هذه ليلتي…
يخربيتكون شو لقاليق وبتكذبو؟ ….


الأكل مبهدل، النضافة مبهدلة، ناقل محلو بسوريا متل ما هوي على قلب ألمانيا…والشي االي ما عم صدقوا لهلا منظر صحن الجاج وفوقو شي كيلو بطاطا قلي….
الفلافل صرلها بألمانيا من عام ١٤٣٠….عافكرة….
يا رفقاتي السوريين، بس تروحو على شاورما الموصلي بالميدان سلمولي عليه ….وكلوا عني وعنكون….
#كذب_بخل_عربدة

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.