كمية الكذب في مسلسل الدراما السورية “وهم” فاقت قدرتي على التحمل

Joud Akkad

#دراماـسورية
عم شوف مسلسل اسمه “وهم”
كمية الكذب الي فيه فاقت قدرتي على التحمل
لهيك قررت أكتب هالبوست ” كنقد فني “
و أهم الكذبات فيه أو الأفكار الواردة في هاد المسلسل وشكلها كل المسلسلات هيك !
١. “الهجرة بهدلة وقلة واجب”
٢.” في حال فكرت أخي المواطن تسافر رح يضحكوا عليك المهربين و رح يسرقوا اعضائك البشرية لما تسافر هجرة غير شرعية “
٣. الناس بعد ماحدا يغرقوا باليونان عادي بيقدروا يلفوا ويرجعوا على تركيا ومنها على سوريا مشان يدفنوا الغرقانين بكل سهولة و يسر “مافي حدود بالمسلسل ولا خفر السواحل ولا صليب احمر “
٤. لازم تستخدم اموال الهجرة بتعمير البلد اخي المواطن بلدك احسن
٥. المجرمين ما بسافروا بيقعدوا بيستنوا حكم المحكمة فيهن هيك عادي
اختراع السفر بيجي فقط للمحتاجين وبعد مايبيعوا كل شي عندهم .
٦ . لا وجود لاي سيادة تانية غير سيادة غير السورية
“ايرانية .روسية . النصرة .المعارضة . “
٧. المسلسل بيتهم تركيا بخطف الشباب السوري و بتسلمهن للمعارضة مشان تاخد حق الفدية وتمول في الجيش الحر”العصابات المسلحة”


٨ . و بيتهم تركيا ممثلة بالمهربين الأتراك بخطف اطفال المهاجرين الغير شرعين مشان يبيعوا اعضائهن و الكبار كمان وكل شي طالع من عندهن عالهجرة للاتحاد الأوربي.
٩ . ألمانيا الوجهة الأمثل للشعب السوري !
١٠.فرع التحقيق الجنائي بسوريا عندهن كميرات و تسجيل صوت و غرفة عازلة متل فروعة الأمن المتحرمة بالعالم
١١. المحامي بيقدر يطالع حدا موقوف و بيقدر يدخل عالفرع و عغرفة التحقيق
١٢. في محققين بالجنائية بسوريا شباب وعندهن رواتب حلوة وسيارات بدون رشوة كيف مابعرف “وبيرفضوا الرشوة لو كانت سبايك دهب “

المسلسل من تأليف كائن حي يسمى “سليمان عبد العزيز”
و اخراج كائن حي أخر اسمه ” محمد ياسين وقاف “
ومن انتاج سيريانا لانتاج الفني
انا شخصيا ماعم صدق في حدا ممكن يصدق انو الخرابة الي اسمها سوريا عرين الأسد
هي احسن بقعة على وجه الأرض وانو الاتحاد الاوربي والرفاهية هي كذبة كبيرة ؟

This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.