كل مواطن أميركي صار خسران ما يعادل ٢٢٣٥٠$ مشان يقرطك لقاح ب ٢٠٠دولار

Adnan Tarabishy
“لعبة كبيرة”
في مقابل المؤمن العبقري يلي برأيه الله عم يعمل فينا هيك لاننا ابتعدنا عن عبادته و هو منطق يشيطن الخالق و يضع المؤمن العبقري في منزلة مرتفعة فوق البشر، نجد العبقري الكاشف لجميع ألاعيب للرأسمالية
“بكرا الأمريكان بيطلعوا اللقاح و بيبيعونا ياه و خلص الفيلم”
الله يحميك اخي العبقري الكاشف
لح اخدك بإيدك خطوة خطوة
قديش بتتوقع حق لقاحك يلي بدن يقرطوك فيه اول ما يكتشفوه؟
شو رأيك ٢٠٠$ مع انه اكدع لقاح لأي مرض حاليا ما بيطلع حقه ٢٠$
و لح افترض معك انه هالشركة الرأسمالية يلي كلشي عم يصير حاليا بسببها باعت كل كوكب الارض هاللقاح
بيطلع كل مبيعاتها ١٤٠٠ مليار $ اذا كان كوكب الأرض فيه ٧ مليار قرد
يعني الحد الأقصى للصفقة ١٤٠٠ مليار $، صح يا دب؟
طيب عندك فكرة شو خسرانة البورصة الأميركية لنهاية الاسبوع الماضي؟
خسرانة ٨٠٠٠ مليار $ تقريبا مشان المؤامرة يلي براسك تربح ١٤٠٠ مليار $
كل مواطن أميركي صار خسران ما يعادل ٢٢٣٥٠$ مشان يقرطك لقاح ب ٢٠٠$
طبعا غير انه الغني خسران اضعاف مضاعفة عن ذوي الدخل المحدود
بعصر سهولة الحصول على المعلومة لم يعد مقبول اختراع مؤامرات سهلة الكشف
خليكن بالمؤامرات الالهية لأن المناقشة فيها اصعب من مؤامرة الرأسمالية

This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

* Copy This Password *

* Type Or Paste Password Here *

This site uses Akismet to reduce spam. Learn how your comment data is processed.