قصيدة بعنوان : نجح الكر

قصيدة بعنوان :
__ نجح الكر _
بعز الشوب بقلب الحرّ سمعنا هيصه وكَرّ فَرّ
سالنا شو فيه من غير شر قالوا والله نجح الكر
وبيّو عم يضرب بارود مبسوط كتير و مسعود
فاتح جبها عالحدود بيزأر متل سباع البر
وامّو بتفط وبتنط فوق الارض ما بتحط
مبارح كانت متل القط صارت متل الضبعه تعرّ
خواتو نزلوا ضرب رصاص وعالعمياني خود قواص
ما في سياره ولا باص ولا طنبر بالحاره يمر
من طول عمرون يا جاره معروفين بهالحاره
كرارا أولاد كرارا للجهل الاعمى بتجتر


عيلة حمير بحمير شهاداتا غش وتزوير
هادا الشي صار منو كتير ما في شي بيبقى بالسر
وهالخنزير يلعن شكلو ما بيسوى شربو واكلو
قالوا ما رح تباركلو قلت لحالي بعيد الشر
 * كليم أحمد

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.