فكرة ان العلماني هو شخص مقضيها شرب وجنس ولبس مثير

في ناس فاكره العلمانية دين مناهض للاديان السايدة وبيفرض عليك تعمل عكسها يعني الدين يقول ممنوع الخمر يبقى عشان ابقى علماني لازم اشرب ولازم ارقص ولازم البس عريان…

ودول مش قادرين يفرقوا بين الحريات الشخصية اللي بتكون مضمونه في المجتمع العلماني وبين العلمانية كمظلة بتحمي التعددية داخل المجتمع دون فرض سلوك بعينة.

سلوك الانسان بيحكمة مبدأ الضرر والنفع يعني اي فعل بتعمله هتشوف تاثيره عليك نفعه وضرره لو لقيته بيعود عليك بالضرر هتبتدى تتجنب تكراره او تستمر فيه باختيارك الى ان يقودك للهلاك.

في الغرب حاليا حملات كتير لمقاومة ادمان شرب الخمور لتأثيرها السلبي على الصحة مش بس الخمور ولكن االكولا ومشتقااتها والمشروبات عالية التركيز من السكر , حاليا مشروبي المفضل ميه فواره لتجنب اضرار السكر.

اللبس بيحكمة امور كتير زي الحرارة والمكان وعملي ولا لا ومناسب للحدث الخ يعني العلمانية مش دين هتفرض عليكي تلبسي مني جيب طول الوقت نكاية في الاديان اللى بتفرض حجاب على المرأة طول الوقت ولكن اللبس حرية شخصية لها كود مجتمعي.

الكبت اللى عيشاه مجتمعات الشرق بتخليهم يخرجوا من سجن الاديان ويعملوا العكس تماماََ ويتصوروا بياكلوا لحم خنزير او بيشربوا خمور او يقضوها رقص بلبس مثير قدام الكاميرا , فقط نكاية في الاديان بس الامر مجرد رد فعل سجين هرب من السجن وبيطلع لسانه لسجانه يعني ده رد فعل على الفرض والكبت , نتاج طبيعي للمجتمعات المتدينة بطبعها وملوش علاقة بالعلمانية.

فكرة ان العلماني هو شخص مقضيها شرب وجنس ولبس مثير وماشي على عكس كل ما بتقوله الاديان نكاية فيها فده تصور مراهقي الشرق.

الحرية بتعلمك المسؤولية و التجربة بتخليك اكتر نضجاََ واتزاناََ في كل تصرفاتك

في النهاية العلمانية مظلة بتحمي الحرية والتعددية وملهاش اي علاقة بسلوكيات و اختيارات الناس الفردية في ممارسة حياتها و حرياتها.

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.