الكاتبة السورية سلوى زكزك
غزل سوري مبتكر حسب الظروف المعيشية
Salwa Zakzak
زوج رفيقتي قلها ياريتني غسالة!! بتننطروا الكهرباء ودغري بتركضوا لعندا..وبتبلشوا لعب بالزرار ولحمسة ورجاءات انو الحنونة تعجن الغسيل عجن وما تنتع ابدا وانو تكون دافية ونشطة وفرنينة بالعصر..
زوج تاني قلها لزوجته ياريتني لمعة لمبة بنص الليل.. بتقومي نشيطة.. ايديكِ عم يشتغلوا ولسانك عم يبروت وحواسك كلها صاحية وبس ترجعي عالتخت بتصيري جثة هامدة..
زوجة قالت لزوجها ياريتني بطارية تضل تراقبني وتشحنني..وتضل متابع معدل الشحن ومستوى الزيت و المي
وتصرخ وتنادي ماحدا بيقرب عالبطارية غيري..
لك اضحكوا..عيشة مافي..مسخرة وحرمان وتهكم وسخرية مرة في…
