#عيد_البربارة (#الهالوين) عند #المسيحيين و #العلويين في #سوريا و#لبنان و #فلسطين

عيد القديسة باربارة و أهميتها عند المسيحيين و العلويين في سوريا و لبنان و فلسطين

عيد البربارة نفسه عيد الهالوين

البربارة عنا بالضيعة مو أقنعة و أزياء تنكرية .. بكل سنة منحتفل فيها ع طريقنا بأكبر ديك أو اكتر حسب كبر العيلة و نعمل قمحية و حبوبية بالجوز و اللوز و السكر و مبروش جوز الهند و هيي بتتكون من حنطة و الها ترميز بتكريم القديسة بربارة و اللي بتنص العادات والتقاليد إنو ناكل القمح المسلوق (لأن حبة القمح لا تُثمر و لا تأتي بسُنبلة إلا إذا ماتت) كما قال السيّد المسيح له المجد: “إن لم تمت حبّة الحنطة فإنها تبقى وحدها، لكن إن ماتت تأتي بثمرٍ كثير”..
القصعة لازم تكون كبيرة و تكفي الحارة كلها احتياطاً مع إنو الاغلبية بيساووها و بيوزعوا منها …و الأطيب دائما” إنو يكون الطيخ ع النار و الكل مجتمعين حواليا …
بعيد الميلاد كمان منحتفل على طريقتنا بفطاير خاصة بالمناسبة و بالعيد و بتكون بالخبز المرقوق مع زبدة بلدية و كتار بيحطوا معو بطم أو الحبة السودا ..
هيك ربينا و هيك رح نضل؛ أعيادنا وحدة و أصولنا الفينيقية الكنعانية وحدة على طول هالساحل و الجبال العلية العالية و كل واحد بيحتفل على طريقتو .. بربارة مباركة للكل و الحب بيجمعنا على طول – بقلم وفاء حسن بتصرف
……………..
Hala Salibi
هل عيد البربارة نفسه عيد الهالوين؟؟
لا ولله
الهالوين تقليد امريكي وبعدها انتشر باوروبا وبكل انحاء العالم
بيكون الهالوين بليلة عيد جميع القديسين.
وبعده بيوم بيكون عيد مقدس للمسيحية وبيتم فيه حضور
القداس الإلهي وزيارة قبور الموتى .
وتشمل تقاليد عيد الهالوين بالخدع وطقس يعرف باسم (خدعة أم حلوى)والتنكر في زي الهالوين، والتزيين، ونحت #القرع ووضع فوانيس أمام المنزل، ومشاعل الإضاءة، وزيارة المعالم السياحية المسكونة، وقراءة القصص المخيفة ومشاهدة أفلام الرعب.
أما عيد البربارة يلي منحتفل فيه اليوم هو عيد مشرقي مسيحي
ليش منلبس تياب تنكرية بعيد البربارة؟
بربارة كانت صبية من عائلة وثنية بس آمنت بالمسيحية وكانت تلبس تياب تنكرية لتروح تزور الكنيسة وتتعلم تعاليم المسيحية


حتى اكتشفها أبوها وقطع رأسها
وصرنا نحتفل بيوم وفاتها متل احتفالنا بكل القديسين المسيحية
ونلبس تياب تنكرية ونغني أغاني بتختلف من منطقة لمنطقة
مثلاً بحلب منغني قديسة بربارة عند الرب المختارة
أما بمناطق الساحل السوري منغني زازحين زازحين
أرغيلة فوق أرغيلة صاحبة البيت زنغيلة
و”شيحة فوق شيحة صاحبة البيت منيحة”،
و”هاشلة بربارة مع بنات الحارة”.
وهون الاختلاف مو ديني وإنما عادات وتقاليد
وانتشارها من جيل لجيل
ومتل عيد الهالوين بيلبسوا الولاد والكبار البسة تنكرية ولكن مو للرعب وإنما تقليداً للقديسة بربارة وبيفتلوا الولاد من بيت لبيت ليلموا مصاري أو حلويات
طيب ليش منشغل نار بقرى الساحل السوري فقط بعيد البربارة؟؟
لا يعلم كثيرون أن قرى الساحل السوري تحيي عيد “البربارة” بطقوس مختلفة نوعاً ما عن تلك التي تشهدها المدن، حيث وفي صباح الـ16 من كانون الأول، تزور النيران آلاف المنازل تطهو عليها السيدات بمساعدة من الرجال طعام “الهريسة” أو “القمحية” التي تتكون من حنطة ولحم أو دجاج وكإضافة استراتيجية لابد من بعض السمن البلدي عند الاستواء
وانتشر هالتقليد عند المسيحين وأصبحوا يشعلون النار بعيد البربارة وليس في ١٦ كانون الأول كما يفعل العلويون إلى يومنا الحالي
والقمح هو الطعام التقليدي في فصل الشتاء بعد موسم الحصاد
عند المسيحين بحكم يوجد صوم الميلاد نسمي طبق البربارة سليقة بيكون فيها قمح مسلوق وبيتزين بالمكسرات والسميري والرمان وشو مابتحبو بعيداً عن الطعام الفاطر ونقدمه بليلة عيد القديسة برباره أي ب ٣ كانون الأول
طيب ليش المسيحية بالشرق بيحتفلوا ب تلاتة كانون الاول أما العلويين والأرمن ب ١٦ كانون
لأن قسم بيتبع التقويم الغربي والقسم الآخر التقويم الشرقي
وبرافق كمان هالعيد العديد مم الحفلات والكرنفالات و مدينة صافيتا السورية بتشتهر فيه
شو بتعرفوا معلومات عن القديسة بربارة كتبولي ياها بالتعليقات وشو تنكرتوا هالسنة؟
كل بربارة وأنتو بخير ❤️❤️❤️
#بربارة🎭 #عيدميلاد #هالوين

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.