عن فتوى: نوم الرجل عاريا بحيث لا يراه أحد إلا زوجته

التخلف أشكال و ألوان و مدارس و مناهج
و إنك تكون تافه أو غبى أو بتحس إنك من العبيد و الجوارى فيه ناس كتير أووووووى شايفه نفسها كده .
يمكن علشان هما نكره و جرابيع فا حبين يلفتوا أنظار المجتمعات بأى شيئ شاذ و غريب
لما ناس تجتمع علشان تطلع فتوى أو حكم إن ( الراجل لما ينام عارى ماحدش يشوفه غير زوجته: شاهد الفيديو اسفلا ) !!!
الحقيقة معضله كبيره أوى الموضوع ده و كان عامل خلل فى المجتمع و الرجاله يا عينى مش عارفين يناموا عريانين و ياخدوا راحتهم !!
الظاهر كان بيتعمدوا يناموا على الأرصفه و كل الناس كانت بتتفرج عليهم فا حاول ( جهابذه الدين ) حل هذة المشكله الخطيرة فإجتمعوا و عصروا أدمغتهم علشان يقدروا حصر ( العراه ) من الرجال ( المتزوجين ) بحيث ماحدش يشوفهم غير ( زوجاتهم ) !!
أما بقى ( الجوارى & الإماء ) فاقدات الكرامه و عزه النفس ممن شكلهم بيتصبحوا ( بعلقه ) و يتمسوا ( بعلقه ) عايزين كل ستات المجتمع مثلهم فاقدات للكرامه فقرروا إطلاق كبادره أسموها ( زوجى زوجك ) ! بحجه الشرع بيقول أربعه و أنا شخصيا بقولك ( مربعه ) .
الزواج التانى فى الإسلام له شروط كتيره مش مجرد قادر ماديا و خلاص بس لأن التدين ظاهرى و مجرد شكل و ليس جوهر فكله بزرميط !!


ناس الدين عندهم محصور فى ( النكاح و أشكاله و أنواعه و كيفيه قمع المرأه و تكفينها و جعلها جاريه للجنس ) !
إحنا كمجتمع فى القرن ال 21 ما الإستفاده التى سوف تعود علينا من هكذا شذوذ فكرى و تخلف حضارى ؟؟
مجرد ناس غاويه شهره لأنهم مجموعه من ( العبيد & الجوارى ) فقط لا غير
و أمثال هؤلاء من أصحاب الفكر الهادم يجب القبض عليهم و حبسهم ليتعفنون مع أفكارهم العفنه مش يتم إستضافتهم فى الإعلام و الترويج لشذوذهم الفكرى و تخلفهم الحضارى .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن, يوتيوب. Bookmark the permalink.

1 Response to عن فتوى: نوم الرجل عاريا بحيث لا يراه أحد إلا زوجته

  1. س . السندي says:

    من ألأخر

    قيل { كما تكونون يولى عليكم } ومن يصدقون هلوسات هذه القمامات ليسو سوى قمامة ، سلام

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.