#علي_فرزات: بيع الاوطان مفروشة بشعبها باسم العروبة والدين

Ali Ferzat

بيع الاوطان مفروشة بشعبها باسم العروبة والدين.
يااشهداء غزة المائة او المائتين شهيد اللي رحتوا
فرق عملة ولله قلبنا انفطر عليكم انتوا اولادنا وروحنا فلسطينيتكم من
سوريتنا ومقامكم من مقامنا ولله فرحنا انه في ناس طلعوا مسيرات
بشوارع بعض الدول باوربا منشاكم خففت شوي من احزان اهاليكم لكن شو منقول عن حالنا نحن السوريين ولله مليونين شهيد و14 مليون مشرد ومهجر ولاجيء ونص مليون مغيب ومليون ونص بالمعتقلات وميتين الف غرقوا بالبحار ولله ياأعز من روحنا ماشفنا حدا بالدنيي طلع منشاننا ومع ذلك نحن السوريين وين مارحتوا بالعالم بتلاقونا تاركين مسيراتنا وقضيتنا وخاصة الفنانين والمثقفين واليساريين السوريين بتلاقيهم فاركينها من مسيراتنا وراكدين مساندين للغير بمسيراتهم وبينطوا اكتر من الآخرين ولله نحنا السوريين بتلاقينا عما نهتف لكل ثورة وانتفاضة وحتى لكل طوشة بالعالم وكتير منها بتتطلع بعدين خلبية..هتفنا منشان الثورة المصرية والليبية والتونسية وبعضنا انحبس والبعض اختفى وكله فداكم ولايهمكم ..ونحن ولله مارح نزعل لأنه مافي حدا رفع راية ثورتنا غير نحنا ياحسرتي بتلاقينا لحالنا منجمع بعضنا بكل بلد ومنرفع اعلام الثورةواحيانا منكتب عبارتين على كرتونة منخاطب

فيهم ضمير العالم وعاملين روزنامة كل سنة منذكر بعضنا بالذكرى الاولى وحتى العاشرة لك قسما بلله ماننا زعلانين لانه مافي حق بيموت ووراه مطالب والنصر قريب ونحن السوريين هلأ مابدنا منكم ولا من حدا اسلاميجي او عروبجي اي مساندة ولا مشاركة ولا استنكار ولا مظاهرة مؤيدة بس بدنا منكم شغلة وحدة مافي غيرها..انكم لاتمجدوا
شركاء من قتل ودبح السوريين ولاتجرحوا قلوب اهالي الشهداء بمدحكم ومساندتكم للآيات الشيطانية ومن لف لفهم من القومجيين والاسلامجييين . اللي نازلين بيع بالاوطان مفروشة بشعبها للقريب وللغريب باسم العروبة والدين…!

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.