#علي_فرزات:أسئلة بريئة؟؟ وجريئة؟ لكبير المفاوضين محمد العللوش.؟

#علي_فرزات:

#علي_فرزات:أسئلة بريئة؟؟ وجريئة؟ لكبير المفاوضين محمد العللوش.؟
الى كبير المفاوضين (العللوش)المخلوق من مال وفافوش.؟ سؤال بريء وجريء؟وين راحت الدبابات والمدافع والاسلحة الخفيفة والمتوسطة والثقيلة والرادارات والصواريخ اللي عملتوا فيها استعراضات بشوارع الغوطة؟؟ ومنين جبتوا حقها؟؟معقول كنتوا اشتريتوها من ورثة المرحوم الوالد؟؟ هي بدها زلغوطة؟!طيب اذا بعتوها او سلمتوها مع أراضي الغوطة ..وين رحتوا بالمصاري؟؟ياشحاري؟؟ثم لما كان زهران يسافر من الغوطة لبرا ويرجع عالغوطةوهي محاصرة من الشنترحفانا متل الاسوار كيف كان يروح عالمطار ؟هل كان شيخنا الجليل من أهل الخطوة ؟ام انه كان يسافر بمترو الانفاق؟؟ او يمكن عالبغلة؟سؤال تاني :لما كان اهل الغوطة من الجوع ياكلوا القطاط والعشب واوراق االشجر والحمير مو عيب عليه بوقتها كان يعزم قوادين الميليشيات عالرز واللحم المشوي عالفحم ؟وكمان سؤال؟؟ مين اللي عمل الانفاق والخنادق بالغوطة تحت الأرض لبيع النظام السكر والرز والزيت والشاي وومكاتب عقارية لبيع الارض والعرض؟؟ دقيقة لسه عندي سؤال: لك مااستحيت انت وهاد الزهران تحطوا الاولاد والشيوخ والنسوان جواة الطرطيرات وتفتلوا فيهم بشوارع الغوطة

وتخللوا الناس تتفرج عليهم .؟لك هدول سوريين من روحنا ودمنا دوقتوهم الذل والجوع والقهر وفوق كل هالشي بتذللوهم كمان؟؟ولك ولله مو الحق عليكم .الحق علينا نحن كسوريين نايمين خانعين خايفين ساكتين عليك وعلى عصابات المعارضة والائتلاف والمفاوضات والدستورية ودرخشتوا متل الحرادين كل الدنيا بالمحلات والمطاعم والعقارات والدكاكين ومناجم الحديد من استثمار دم الشهداء وبيع ألم وحزن الغلابة والمساكين . .؟

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.