عفوا .. في الشرع لا نقبل شهاده الستات

Hosam Abutaleb

عفوا .. في الشرع لا نقبل شهاده الستات
——————
عقبه ابن الحارث اتجوز ام يحي .. وفي يوم الفرح دخلت ( جاريه ) قالتلهم انتوا بتعملوا ايه دانا مرضعاكم انتوا الاتنين .. ام يحي قالتلها انتي كدابه .. فالنبي قالها وهي هاتكدب ليه يعني ؟
علشان كده العلماء اجمعوا اننا ممكن نتنازل ونقبل شهاده الست في مواضيع زي انقضاء العده ، البكاره ، الولاده ، الرضاعه لانها حاجات ستاتي .. لكن اكتر من كده سوري شهادتك ملهاش لازمه
وابن قدامه قالنا ان حتى في المواضيع دي لو شهد ( راجل ) بحاجه مخالفه نصدقه هو ، لان شهادته اعلى من شهاده الست .. اما مواضيع البيع والشرا والاموال فلو حبت تشهد لازم يكونوا اتنين ومعاهم راجل غير كده سوري برضه


اما القضايا الكبيره اللي فيها (حدود ) زي الزنا والقتل والسرقه والحرابه والخمر مثلا .. فقد اتفق الأئمة الأربعة ان الست ملهاش تدخل ولو كانوا خمسين واحده فسوري يعني شهادتهم في الهوا
————————
راجع : المغني (9/69) ( 10/137) ( 10/138) – الموسوعة الفقهية (26/226) – الشرح الممتع (15/453)

This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.