#عدنان_كدرش رسام فقد حياته فى مدينه #إدلب التى يسيطر عليها اتباع #أردوغان بسبب سيجاره

نفسى أفهم واحد فاطر فى رمضان و لا مش بيصلى الناس مالها ؟؟
يعنى إيه واحد يفقد حياته لأنه مش بيأدى طقس ما فى دينه ؟؟
يعنى بيقولوا و خوتين دماغنا إن ربنا حيحاسب البشر على أفعالهم طب مادام كده إنتوا بتحسبوه ليه ؟؟ بصفتكم إيه ؟؟
  عدنان كدرش   رسام فقد حياته فى مدينه ( إدلب ) التى يسيطر عليها الإرهابيين بسبب ( سيجاره ) !
طب قتلتوه ما الإستفاده من قتله ؟؟
الإسلام حينتشر مثلا ؟؟
الجوعى فى العالم من المسلمين حيشبعوا ؟؟
اللاجئين من المسلمين المشردين فى العالم رجعوا لبيوتهم ؟؟
أصبح المسلمين فى العالم رواد فضاء مثلا ؟؟ و دولهم أصبحت دول عظمى ؟؟
إيه كميه التخلف و الجهل ده ما كل واحد حر يؤمن و لا يكفر إنتوا مال أهلكم ؟؟
العلاقه بين أى شخص و الرب هى علاقة خاصه مش من حق أى مخلوق أن يتدخل فيها يصلى و لا مايصليش يصوم و لا مايصومش هوه حرررررررر .
أنت أو غيرك مش حتشيلوا ذنبه فى الآخره و ماحدش حيتحاسب مكان حد .
لكن لأن ( كتب التراث ) المدنسه فيها ما يقال عليه ( حديث ) يدعو للقتل الذى فيه :
((( عن أبي سعيد الخدري قال: سمعت رسول الله صلى الله عليه وسلم يقول: «من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان ))) رواه مسلم .
و بالتالى يتخذه الإرهابيين قانون لهم للتدخل فى شئون الآخرين حتى تصل للقتل !!
( كتب التراث ) يجب حرقها مش تنقيتها فهى دستور الإرهابيين الأول .
رحم الله الرسام عدنان كدرش .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.