طبيب سوري مقيم يخبرنا حول تفشي كورونا في مستشفيات #سوريا

#قال_أحد_الأطباء_المقيمين_في_دمشق :

اليوم وأنا نازل اخد مسحة لمريض مسن معو شك كورونا
فتت عالغرفة و لقيتو عم يرجف عطرف التخت
لا قدران يطلع عالتخت و لا ينزل …
التخت كان عم يرجع شوي شوي ف رحت ثبتو و قلتلو عمو يلا هي ثبتلك ياه.

حسيتو ماعم يسمعني
صار ينزل شوي شوي و على مهل اتسطح عالأرض
رحت لعندو قلتلو عمو يلا نقوم ومسكتلو ايدو لنتساعد
مافيها حركة ايدو ! ؛ جسيت نبضو … كان واقف
و اتوفا قدام عيوني …

غريبة كانت اللحظة لي بتحس حالك مع عزرائيل بنفس المكان بس هو شايفك و انت مانك شايفو …

الزلمة كان بحاجة منفسة
بس للاسف ما انحط عالمنفسة
ليش ؟! لأنو مافي منفسة شاغرة بالمشفى
وللاسف
هاد الحال مع كتير مشافي ماعاد قادرة تستوعب مريض كورونا واحد…

لو بنفكر شوي رح نشوف انو نحنا ع شفير الهاوية
انا عندي نصيحة لكل حدا بيقرأ هاد الكلام

سكروا أدنيكن عن كلام المجتمع … المجتمع بسيط و ما بيعرف شو الحقيقة و كلمة بتاخدو و كلمة بتجيبو … و شو ما بيقرأوا عالنت بيتاثروا للأسف

القصة مو تهويل … هاد #حقيقة و #واقع
الوضع بيخوف .. اي بيخوف … لا تردوا ع أي حدا بيقلك الوضع عادي و الوضع ما بيخوف و بلا كمامة .

يومياً … في عنا بالمشفى عشرات الحالات لي مو قدرانين نستقبلا
انا كتير آسف عهالكلام
بس نخاف أفضل ما نوصل للحظة لي رح ناخد حدا من اهلنا ع المشافي و ما نلاقي مشافي تستقبلنا.

الله يحميكن اجمعين
و الله لا يضر حدا
#الصنمين_الآن_Es_Sanamein_Now

عن أحمد الحمادي

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.