leek
Rahaf Eid
بألوان الربيع أو الخريف ..
طبق على بساطته بحبه وبحب كل مين بحبه
براصيا بزيت.. بده عصرة ليمون وخبز مسخن
والله يديم النعم ❤
البراصيا هي الكراث بالعربي الفصحى
طريقة التحضير :
توم مدقوق وقطع جزر منقلبهم مع زيت زيتون..
بعدها منضيف قطع البراصيا المقطعة ترانشات..
منقلبهم مع بعض مع رشة ملح وشوي فلفل أبيض..
وقت يدبلوا منيح بضيف ملعقة رب البندورة (وهي اختياري).. انا بضيفها بتعطي لون حلو وحموضة خفيفة.
بقلبهم مع بعض..
بعدين بضيف شوية مي وكزبرة مفرومة وبغطي الوعاء خمس دقائق..
بضيف بعدها شوية ثوم مدقوق..
وبسكب وبزين بكزبرة مفرومة وبضيف زيت زيتون عل البارد.
والف صحة وهنا ❤
مدة التحضير 25 د.
