كيك بالشوكولا
Rahaf Eid
وصفة كيك بالشوكولا..
بتقوم بتعمل كيك الموز بالقرفة والجوز والزبيب
وعلى وجه بتسيخ قالب شوكولا مرة 😍
بيلبق معه فنجان شاي مع حب فلفل أسود..
#العبرة.. الشوكولا والحب توأمان
الطريقة:
٤ حبات موز مستويين منيح.. هدول اللي ما بيعود حدا بده ياكلهون 😅
بيضة
معلقتين لبن
ربع كاسة زيت مازولا
١/٢ كاسة سكر أو معلقتين عسل
٢ كاسة طحين
ظرف فانيليا
ظرف بيكنغ باودر
رشة ملح
ممكن اضافة (قرفة + جوز + زبيب) – اختياري
بالفرن ع حرارة ١٨٠
٤٠ دقيقة من الأسفل
وثم ١٠ دقايق من فوق
ممكن دهن القالب وهو دافىء بشوكولا مرة سايحة حسب الرغبة.
والف صحة وهنا ❤️
