طالما استمرت هذه الافكار هي السائدة بين الذكور فلا رجاء لنا بالخلاص من هذا المستنقع الاسن الذي نعيش به
واحد يكول او بالأحرى الكل تكول هذي العبارة: آني كولد ما عندي شي اخاف عليه مو مثل البنية!!!!
يعني قصده هو ما عندة غشاء بكارة يفقده!!
زين والبنية من منو تخاف غير منك ومن امثالك؟
هو يعترف وبصريح العبارة ويكول أحنا بايعين ومخلصين ومو مهم إن مارسنا الانحلال بكل تفاصيله سواء اغتصاب او تحرش.!!!!!
لو كنت انت وغيرك من الذكور أناس وتحترمون انسانيتكم مكان البنية خافت على نفسها من شي ولا كان صارت كل هذه المشاكل والي هي سببها طريقة تفكيركم هذه.
وكذلك لما يشوفون إمرأة او فتاة تمتلك ولو حرية بسيطة بممارسة حقها كإنسان اول عبارة يكولوها وين اخوها الديوث او ابوها او زوجها ليش ميحافظ على عرضة !! فكل فحل هو المسؤول الأول عن قطيع النساء الذي يمتلكهم من اخت أو زوجة أو حتى الام.
