Salwa Zakzak
الحكومة حابة تزرع حب الوطن بالناس..وتقول للناس العلقانة عالحدود غالي الوطن غالي..انشالله مفكرين انو هيك ببلاش بدكن تصيروا سوريين؟ لك عمي شكروا ربكن انو التصريف عالسعر الرسمي..مو عسعر السوق السودا كنتو وقتها لازم تدفعوا اكتر..مشان تثبتوا انو بتحبوه اكتر.. اي نعم ومستعدين من كتر المحبة تصرّفوا الغالي والنفيس.
انتوا فرق عملة..وحب الوطن من التصريف..والتصريف يعني حق الدولة بصرفكن…فرق عملة يعني..
بكرا بيطلع شي مطرب جهبذ ووطني بيغنيلنا من صرّف دولارا فهو منا..
العمى قال ممنوع نجيب سيرتو علسانا وبالاخير تسعيرنا بيطلع حصرا فيه..
نيالن يلي برا..رجعتن بتساوى مية دولار ونحنا قعدتنا هون ما بتسوى فرنك مصدي ..
انا حابة غادر لساعة واحدة وارجع صرّف عملة صعبة بكل مسؤولية ووطنية واندفاع، ويمكن رددلي كم شعار كمان عالبيعة.. مشان اعرف قيمتي العظيمة وحس بكرامتي واشكر الحكومة على منحي حرية الاكل والشرب والفوتة على دار الخلاء البرية الطبيعية اثناء انتظاري لذووي ؟ شو يعني ذوي؟ ذوي المواطن؟ فيها دراما اكتر وبتخس بجذورك الضاربة في الارض وانك مو مقطوع من شجرة…لكن عمي..صرّفوا احسن ماتتصرّفوا..
