شو ممكن يكون قال هاد الشخص للمذيعة في الفضائية السورية لحتى اعتقلوه ؟

Bassam Yousef

اليوم حكي معي صديقي من الشام قلي رح خبرك شغلة ورح تفكرها كذبة أو نكتة بس صدقني مو نكتة هي حقيقية.
من فترة نزلت مذيعة من محطة فضائية سورية لتعمل تحقيق مع الناس اللي بالشارع، السؤال المطروح على الناس كان:
– راتبك الشهري وين بتفضل تحطه، بالبنك أو بالبيت؟
أغلب اللي سألتهن المذيعة ضحكوا وما عرفوا شو بدهن يجاوبوا لأنه السؤال جدا سخيف بس في واحد لما سألته السؤال صفن وتلفت حواليه من كل الجهات، و لحتى تشجعوا المذيعة قالتلو لاتخاف احكي وخود راحتك … رجع اتطلع حواليه وقرب راسه صوب اذن المذيعة وما حدا بيعرف شو قلها.
بس المذيعة اصفرت واخضرت ومدري لمين أشرت فهجموا ثلاثة ع الشخص واعتقلوه.
السوريين نسيانين كورونا ونازلين يتحزروا أنو شو قلها هاد الشخص للمذيعة ؟؟.
ههههههههههههههههههه جد شو ممكن يكون قال هاد الشخص لحتى اعتقلوه ؟؟

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.