شب سوري يفش خلقه

صورة ارشيفية لعصابة من الشباب السوري

#فشة_خلق
ارخص موبايل بينشال 400 الف ( هدية خطبة )
غرام الدهب بأراضي ال 185 الف
اكلب سيارة 18 مليون ( تحت ال2000 cc )
البيت آجارو مليون وشوي بالسنة ( انسا الملك لانو الملك لله)
متوسط مصروف أي عيلة سورية 250 الف بالشهر هي بدون تدلع وغنج
سقف الرواتب بنسبة كبيرة 100 الف
طبعاً هي اذا كان مخلص جامعة و خادم عسكرية وبدو يشتغل بشهادتو .. طبعاً مافي هيك شي لأنو اقل خدمة عسكرية هي 9 سنين
يعني بتخلص جامعة عمرك 24 بتروح عسكري بترجع عمرك 33 بيعطوك تعويض مو قادر تفتح فيو بسطة دخان بكون الشيب عبا راسك
بدك تدفع بدل ؟
أيدك على 21 مليون
وبجي ليخطب بطلبو منو بما لايتجاوز 3 أسطر طلبات كفيلة أنو يا يسرق يا يبطل القصة من أساساً
يعني ممكن اهل البنت يتنازلو عن كتير شغلات
بس في شغلات مافيك تتنازل عنن
– تخيل تتنازل عن البيت يلي بدكن تسكنو فيو ؟
– تخيل تتنازل عن اللقمة يلي بدكن تاكلوها مع بعض ؟
– او تتنازل انك بس تجيب ولد تقدر تفرحوا و تلبسو احلى لبس ؟
نحنا عم نطلع و نضحك و نمزح ونشتري و ناكل لانو مو قادرين نجمع لمبلغ فوق الخيال .. اكيد مو طالعين و عم ناكل لأنو معنا مصاري ..


عنجد نحنا عايشين من قلة الموت
الكل عقلو مسافر بس هوي مو قادر يسافر 💔
يلي بيقهر اكتر بجي حدا بقلك اذا بتحب هي البنت روح تحدى كل الظروف و تزوجها ..
برأيك هي ظروف ؟
فيك تتحداها ولا بس شاطرين بمقولة ( يلي بدو بيقدر )
بإمكان هالأب يخفف عن الشب ولو شوي
مش بالضرورة تحقق احلامك ع ضهر شب طالب ايد بنتك بالحلال
وبيجيك واحد يقلك يازلمة انت ماعم تزبط وضعك
ايمتا بدك تصير متل الخلق
خيي اذا هيك الخلق بتعيش وبتتعامل مع بعضها اي شي بهوي منك ومن الخلق ومن هيك افكار
ولك مافي شب ما بيحب .. ومافي حدا خاين
اكترنا منعشق ونعيش قصة حب رح تنقتل بيد العادات
مافي شب ما بيحلم انو يتزوج ويكون عيلة ويجيب ولد يحمل اسمو 💔
بالفعل وقت قالو بمسلسل ضبو الشناتي سفرني عأيا بلد كان معهن حق …🙂

منقول

نرجو متابعتنا على فيسبوك وتويتر بالضغط على الايقونتين
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.