#شاهد وزير النقل المصري: فيروس #كورونا يلتزم بأوامر الدولة لذلك هو معدي فقط اثناء الحظر الليلي وبرداً وسلاماً بالنهار

( التكرار يعلم الحمار ) رغم إن الحمير بتفهم عن كثير من البنى آدمين ! (شاهد الفيديو اسفلاً)
ما يقال عليه ( وزير النقل اللواء كامل الوزير ) يعلق على مشاهد ( التزاحم و التكدس الشديد ) فى محطات المترو قائلا ( دى بس فى آخر ساعتين قبل الحظر و باقى اليوم لا يوجد زحام و لا تكدس ) .
طبعا تعليق ( حميرى ) من مسئول بالشكل ده لازم يترد عليه :
ما هو طبيعى حيحدث التكدس و الزحام قبل موعد ( الحظر الليلى ) لأن كل ( عاملى القطاع الخاص ) خارجين فى نفس التوقيت و عايزين يروحوا قبل توقف المواصالات و بدء الحظر !
و هو ( كورونا ) حيتخض مثلا من الزحام و مش حيمرح وسط الناس مثلا ؟؟
و بعدين التكدس الرهيب ده له سبب تانى و هو ( طول مده التقاطر ) بين كل مترو و آخر و بالتالى يحدث الزحام الشديد .
لأن مده التقاطر تتجاوز ال 5 دقائق و أحيانا تصل ل 10 دقائق و طبيعى حيحدث تزاحم و تكدس فى بلد لا تقدر أرواح شعبها و ترميه للتهلكه بعدم فرض ( حظر كلى شامل ) بحجج غبية إنهم ( مسيطرين على الوضع ) !!!!!!!!!!!!! و أيضا ( جهل الشعب ) فى عدم إرتداء الكمامات و القفازات فى حالة الخروج من البيت و الإستهتار يعنى من كله خربانه و قال إيه مسيطرين على الوضع و الإصابات 420 حاله بس !!!
وضع إيه اللى مسيطرين عليه ده وسط الحشود دى كلها لو واحد مصاب بالفيروس فى كل عربية من عربيات المترو خلاص إنتهت الحكايه و بقينا بؤره للفيروس .
و على الرابط مقطع للزحام الشديد و الغير طبيعى و أكيد ( كورونا ) كان ( بيرقص ) و هوه شايف الجموع دى كلها فى مكان واحد و لازئين فى بعض كده و بقينا ( مسخره ) قنوات الأخبار على كافه أشكالها .
إتفرجوا على الخيبه :