#شاهد لماذا يتهمون فنان #مصر #علي_الحجار بالكفر والشرك بالله وفساد العقيدة

قله من الفنانين أو الشخصيات العامه التى لا يهمها رأى الناس فيما يفعلون و لكن الناس لا تتركهم فى حالهم و يعتبرون أنفسهم أوصياء عليهم و على تصرفاتهم و يتم نعتهم بأسوأ الألفاظ و الشتائم
( على الحجار ) فى صورة عفويه أضاء شمعه فى أحد الكنائس تحت صورة ( مريم العذراء ) لأنه إنسان نقى صافى لا يفرق بين الأديان و يحتفل بأى مناسبه يشعر إن عليه الإحتفال بها .
و ما أن إنتشرت صورته حتى حصل شلل رباعى و تبول لا إرادى من الإسلاميين و من فى ضمائرهم نقط سوداء عنصريه يهاجمونه بعنف و يتهمونه ب ( الكفر ) و ( الشرك بالله ) و إنه ( فاسد العقيدة ) !!
ده غير طبعا شتائم و سباب يعاقب عليه القانون
و ده لمجرد إنه لا يتبع عنصريتهم و البعض ربط ( أغنيته الشهيره الخالده إحنا شعب و إنتوا شعب ) التى غناها وقت كان ( الإخوان الإرهابيين ) يحكمون و صبوا نار غضبهم عليه و إنه يعمل ( ضد الإسلام ) !! و دخلنا بقى فى فيلم هندى بإمتياز !
كل ده علشان الراجل أضاء شمعه فى كنيسه !!
الجميل إن ( على الحجار ) تجاهل الهجوم تماما و لم يرد عليه بحرف واحد مما جعلهم يشتعلون غضبا .
هنا بقى يجى دور ما تسمى ( دوله ) اللى مش معقول مش واخده بالها من كم العنصرية و الكراهية و التحريض و التكفير ضد من هو غير مسلم مهما كان إنتمائه الدينى المنتشر فى المجتمع
يعنى إيه تترك هذا الوضع هكذا دون أى محاوله منها لوأد تلك المشاعر المتخلفه تجاه باقى مكونات المجتمع و الموضوع مش ( قسيس & شيخ ) يحضنوا بعض أمام الكاميرات علشان ده هطل و تخلف و إستغباء للمجتمع
لازم مواد دستورية تتغير


لازم قوانين تتغير
لازم مناهج التعليم تتغير و إلغاء التعليم الدينى و توحيد التعليم ليكون مدنى
لازم الرساله الإعلامية تتغير 180 درجه .
لازم تقليم الأوقاف و الجوامع التى تتبعها و إقصاء الخطباء التكفيريين
فتح المجال أمام كافه المناصب لغير المسلمين
توحيد قانون دور العباده
القبض و محاكمه عسكريه فوريه لمن يحرض و يكفر و يبث الكراهية لغير المسلم .
كده المجتمع الفكر الضار حيختفى منه مش ( قسيس & شيخ ) يحضنوا و يبوسوا بعض أمام الكاميرات بشكل مقزز
و لا حملات خايبه واحد مسلم ماسك يافطه مكتوب عليها بحب أخويا المسيحى و واحد مسيحى ماسك يافطه مكتوب عليها بحب أخويا المسلم !!
ده طبعا لو كانت ما تسمى ( دوله ) تريد فعلا محاربه التطرف و الإرهاب و الجهل و التخلف و الرجعية .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.