#شاهد #ريما_رحباني بنت #فيروز تعايد خالتها المطربة #هدى_حداد

Reema Rahbany

لخالتي هدى اللي ما بتحِب المفاجآت! 🙄 لا البشعة ولا الحلوي! 😕
واللي بتِخجل وبتُهرب من أيْ لَفتة حُب وتقدير!
بعرف بعرف بيت حداد مَوصُوفين بالعناد 😅
بس يمكن كأنّك ناسية إنّو بيت عاصي بيحطّولكُن وِزِك!؟ 😆
إي 💅 عدا عن إنّو مساقبة أنا ديني ومعبودي المفاجآت! 🥳
ودايماً وأبداً الحلوي! 😁 فَ أمرِك لالله 😛
بشهر عيد ميلادِك اللي ما بعرف بنوب أيّة نهار مساقب! 🙄 بس واثقة إنك أسد! 😃
حابّة قلّك كلمتين ما بيِنفَع قلّك ياهُن عَ قعدة غدا ولا عَ فِنجان قهوة! 😁
إذا دولتنا ساذجة وسطحية وسخيفة وإعلامنا كمان! 😒
وإذا ما حدا منهُن فكّر، مش يكرّمك فَشَروا 😤 لأن هنّي بيتكرّموا فيكي!
إنّما فكّروا يعملوا تِجاهك لفتة حُب وتقدير وإمتِنان!
لأنّهن ما شاطرين إلا بقَطع نشرات الأخبار بخبار سخيفة متلُن
مدري عن مين ومدري عن شو.. 😒
بس لأنّهن مشيوا عَ سجادة حمرا أو زحفوا ع شي خشبة مسرح عالمي! 😏
او لأنهن حِكيوا إنْغلِشْ (برغمان) أوْ فرِنسَاوْ! 😏
وبما انك انت مش عالميّة 🤠 إنّما محليّة وحقيقيّة
ومش دفّيعة وبتشارعي ضيعة! 😂
ما إلك مطرح بولا مطرح! 😑 اي شو عليه؟ 😃 إيه ومنروح! 😆
والحمدالله هالمطارح كلّا رَح تُقشط حتماً
وما رح يبقى إلّا الأصل والأصيل! 😇 تراست مي! 😁
وصدّقيني، إذا هول ما ذكروكي ولا تذكَّروكي،
ما بيعني أبداً يا خالتي، إنّو مَطرحك مش محفوظ


بقلوب الناس وبقلبي انا! 🥰
وبقلّك انا والناس منحبّك كتير 😁 والضحك إشتقلك! 😍
صحيح انا لا عندي سجادة حمرا ولنّي عالميّة 🙄
ولا بعرف قول قدّيش بحب 😕
والشي الوحيد اللي بعرف عبّر فيه كاميرتي وأفلامي! 😔
لهيك،
منّي يا أهضَم خالة بِتكَرْكَر معها وبضحك من قلبي! 😍
تحيّة حُب وتقدير غَصْب عنّك! 😆
بأحلى وأرَق وأحَن غنّيتين إلك 🥰
وانا وإنتي منعرف ليه! 😉 إي قومي ياااااااا 😆
منيح هيك؟ 😆
تحيّة حُب وشوْق كمان 😕 الى
شوقي زيادة وغازي قهوجي 💔💔
ودايماً وأبداً الى عاصي الرحباني 💚

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, يوتيوب. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.