#شاهد ريما الرحباني تهاجم ابن عمها اسامة لتشويهه تراث والدتها #فيروز في اغنية حبيتك بالصيف

نشرت ريما ابنة فيروز وعاصي الرحباني على حسابها في الفيسبوك البوست التالي مهاجمة اسامة الرحباني ابن عمها الياس لتشويهه لاغنية فيروز حبيتك بالصيف ونشرت فيديو لفيروز وعاصي يحكيان قصة الاغنية الاصلية(شاهد الفيديو اسفلا) ( مع صور لاسامة الرحباني مع المغنية ميلودي غاردوت يؤديان اغنية فيروز حبيتك بالصيف):
بعد مجزرة الأمسِ بالهُدُبِ او الهُدُبُّ بمعنى أَصَح او هَالدِبْ كمان بتمشي!
إليكُم قصّة حبيتك بالصيف من مؤلفيها وملحنيها الأَصليين!
ما بعرف منين ولا كيف ولا ليش ولا بأي حق إنضمّت مبارح للمجزرة!
هيدا الطبل المُتعجرف والمُنافق المُتعربش والمُدّعي
مين سمحلو ينَصّب حالو مُمثل عن الإرث الرحباني؟
ومن ثُم هيك بيكون المُمثل؟
بيشوّه الإرث بهالفظاعة العالميّة وبيشحد عليه؟
وبيمضي الميلودي بإسمو كمان؟

ليك يا ابني انّك تتعربش ع بيّك وتمحيه إسطفل منّك لإخوتك لبيّك!
اما انّك تتعربش على فيروز وعاصي وتمحيهن؟ هاي طويلة ع رقبتك كتييير!
اوعك تفكّر الإشيا ما إلها لا بداية ولا نهاية
والدليل حاسم وجازم انو إبتدت النهاية بقرع الطبول اللي فلتُن ع المسرح مبارح
هولي ياهن طبول الآخرة، آخرتك انت وانشالله تكون قريبة جداً
لو مين ما كان وراك!
وعلى فكرة ما بعرف ليه تهيألي او شمَّيت ريحة
بتشبه محاولة التطبيع أكتر ممّا بتشبه ضحايا بيروت!
لست أدري بس الله يرحم الصبوحة!

This entry was posted in الأدب والفن, يوتيوب. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.