#شاهد #السيسي وعقله القاصر مش عارف يرد على #محمد_علي فخلوا شعبان يرد عليه بطريقته السوقيه

السيسى فى مؤتمر الشباب قال :
( إن فعلا بيبنى قصور و لسه حيبنى تانى و إن كل ده بإسم ( مصر ) علشان ( مصر ) مش شويه .
أنا متفق معاه 100 % إن ( مصر ) مش شويه بس :
لما الناس تعيش وسط ( الزبالة ) و تأكل منها علشان مش قادره تعيش فى الغلاء
لما الشوارع مكسره و شويه أمطار لمدة ربع ساعه بس تغرق البلد و الدنيا تقف
لما المستشفيات الحكومية عباره عن أماكن للموت و ليس للعلاج و يعاملون المرضى فيها كأنهم حيوانات جربانه
لما المدارس الحكومية متهالكه و هناك تكدس غير طبيعى فى الفصول و مدرسين ليسوا مؤهلين أصلا للتدريس
لما بلاعات الشوارع تكون منزوعه الغطاء و يموت بسببها الناس
لما قرى و نجوع و كفور لا يصلها مياه صالحه للشرب أو ليس فيها صرف صحى أو كهرباء و كل رمضان تشحتوا بإسمهم على كل القنوات
لما المصالح الحكومية بداية من التأمينات مرورا بالسجل التجارى و الشهر العقارى و الوزرات كالأوقاف و نهاية بالسنترالات و مكاتب البوسته و التموين يعاملون المواطنين كأنهم حيوانات .
لما يتم ردم النيل علشان يبنى نادى نهرى أو جامع أو مصنع و يرمى مخلفاته فيه
لما يتم نكسير الأرصفه فى الشوارع و قطع الأشجار و الناس تمشى وسط العربيات
لما لسه لحد النهارده عربيات تجرها الحمير أراها فى شارع حيوى زى جامعه الدول أو أحمد عرابى فى المهندسين
يبقى ( مصر ) بالنسبه لك مقدارها أقل من عين البرغوت
و القصور اللى فرحان ببنائها و اللى لسه حتبنيها كما قلت مش عيه اللى حتكبر حجم مصر فى عيون العالم
و المليارات التى تهدر فى بناء عاصمه جديدة كنت أصلحت بها عاصمه بلدك العريقة و كان ممكن نقل المنشأت الإدارية للقاهرة الجديدة بمبانى حديثة و عمليه و بسيطه و بلاش الفشخره الكدابه اللى أنت و اللى حواليك عايشين فيها هوه مين اللى خرب القاهرة ؟؟ مش نظامك الحاكم منذ 1952 بعدما كانت باريس الشرق جعلتوها خرابه الشرق و الغرب و الشمال و الجنوب و دلوقتى مابقتش تليق بمستواكم كنظام !


السائح أو الزائر أو المقيم مش حيجى مصر علشان يتفرج على قصورك الفخمه الضخمه لكن حيمشى فى شوارعها الحزينه و حيعيش فى مبانيها التعيسه حيشرب من مائها الملوث حيتفرج على وجوه شعبها الشاحب و ممكن يدخل مستشفياتها التى عباره عن أماكن للموت .
( مصر مش قصر فخم ) ( مصر وطن كامل يجب أن يعاد إصلاحه و تجميله و هندسته من شماله لجنوبه )
لو كان الشعب حاسس إن فى إيجابية ملموسه على أرض الواقع كان إستحمل بس للآسف الأوضاع من زفت لأزفت .
و فى الآخر الإعلام الأمنى للنظام ( طالع السما ) بأغنية تافهه سخيفه على المقاول ( محمد على ) من غناء ( شعبان عبد الرحيم )
( النظام و عقله القاصر مش عارف يرد عليه خلوا شعبان يرد عليه بطريقته السوقيه )
فشل فشل فشل

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن, ربيع سوريا. Bookmark the permalink.

1 Response to #شاهد #السيسي وعقله القاصر مش عارف يرد على #محمد_علي فخلوا شعبان يرد عليه بطريقته السوقيه

  1. AhmedBashir says:

    الديمقراطيه الحريه المدنيه العلمانيه اساس تقدم مصر .انتشار السلفيه عدم علمية الازهر وتحوله لمؤسسه منتجه للمعرفه وتحديث بنائه الفكري يعيق تطور مصر .تقديس الجيش سحق مدنية الانسان المصري .بين مصر وتونس بون شاسع الان ورغم صغر تونس سكانا وحجما لكن تونس في مسار سيجعلها الدوله الاكبر حجما عن قريب بمزيد من الديمقراطيه والمدنيه تتقدم تونس وبعسكرة وجمود الازهر تتخلف مصر

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.