#شاهد الداعية السوري الدجال د.الشيخ #محمد_خير_الشعال يمنع الاختلاط الاكتروني

في هذا الفيديو اسفلا هي عظة دينية ل الدكتور الشيخ  السوري محمد خير الشعال يمنع الاختلاط الاكتروني, وقد علقت الناشطة سارة العظمة على الفيديو بما يلي:

عمري ما قدرت كمّل فيديو لهالبني آدم، وصعب علي كتير ضبّ لساني لما أحكي عن فكره وآراؤه الخرائية جدا ومنها قتل المرتد، يعني لو أنا تحت سلطته كان فعلا حكم علي بالموت

رح قولها بالمشرمحي لانو هاد ما بيناسبه كلام محترم. لك هاد ممحون!! مريض مهووس بالجنس بشكل خلاه يحوّل كل جهوده نحو السيطرة الاجتماعية على كل فكرة وحركة واتصال بين شب وبنت

من بين كل القضايا الروحانية و الاجتماعية والفلسفية المهمة جدا في بلد يعيش مأساة القرن، ومنها إطعام الفقير، التكافل الاجتماعي، السلمية، رفض العنف، صلة الرحم، رعاية الأيتام ومساعدة المعاقين إلخ إلخ اختار هذا الجحش البهيمة !! موضوع “العفاف الاجتماعي “

٣٠ يوم برمضان = ٣٠ وعظة …. الموضوع:
كيف تسيطر ع زوجتك وأختك وبنتك وحالك من خطر التهيج والانتصاب والعياذ بالله!!.

وآخر اختراع ومواكبة للعصر ومستجداته هو ضوابط “حادة!” حسب تعبير هالتيس للتواصل او ما يسميه “الاختلاط الإلكتروني ” الخطير جدا جدا !! لانو الناس عاجزين عن مراقبتك وانت عم تكتب رسالة عالخاص.

يعني حتى بدون رؤية وشم ولمس وحصول حمل خارج الزواج أو أي مشكلة اجتماعية من أي نوع كان، لاحق هالزلمة طياز الناس عبر رقابة متخصصة ومهتمة بأصغر تحركات العضو الجنسي … او حتى العاطفة.

الشعال وصحبه من المشايخ معفنين فعلا. وفعلا سيماهم على وجوههم، إصابة فطرية على الجبين فخورين فيها من كتر جهلهم هي بالحقيقة عفن.

هالمشايخ عم يهينوا ويوسخوا دين آبائي ، عم يخلوه ينحدر لقاع السيطرة على الناس ومشاعرهم وأفكارهم لحد خلق أمراض نفسية بالفعل، ومنظومة اجتماعية فاسدة قائمة على الرقابة والفصل والعزل والخوف وكتلة من الخرافات اللي بتخلينا كشعب ورا كل الشعوب

هالمشايخ لازمهم كنس من المساجد
المساجد السورية لازمها حملة تنضيف واسعة

الله لا يعطيك العافية يا شعال!!!

This entry was posted in الأدب والفن, يوتيوب. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.