Salwa Zakzak
بشوف كل شوفة بتطير عقلي من محلو..
سقايف معباية غراض هنن نفسن صحابها نسيانينها..لحف وحرامات وطناجر وقطارميز..سقايف مليانة صبابيط وفرونة كهرباء وبرادي وكتب ودفاتر..تخيلوا دفاتر ولعب اطفال..ياعمي ..خففوا عن حالكن كوام وزن بلا فايدة وريحة عفونة ..
في بيوت بيجيبوا زلمة خصوصي ليعزلوا ويمسحوا ارضية السقايف والغراض المدحوشة فيها وبيرجعوا بيرجعوها..
بعرف اذا وزعوهن ما بتنحل مشكلة المحتاجين..بس عيب هادا الفائض مكدس عالفاضي و كلو وسواس..وغياب فكرة التوزيع مصيبة..
لا تتكارموا..بس فرحوا..والله شيلة الهم عن قلب صاحبو
بتفرح..بتشيلوا كو ام من بيوتكن وبتتفرفدوا وبتشموا هوا نضيف وخفيف ،وبتشيلوا شوية عازة عن قلوب غيركن وبيتدفوا، ليطبخوا لطنجرة مليحة، بيلعب ولادن بلعبكن المخزنة، بيرسموا..
معا لتشكيل لجنة جرد لسقايف بيوت الشام..
#سلوى_زكزك
