هاد هو الواقع بالمختصر..
واقع كلو مطبات وحفر..
صاروخ انفجر وصاروخ لسا ما انفجر..
لا هاد فاز ولا هداك انتصر..
واحد ناطر الاعور الدجال…
والتاني ناطر المهدي المنتظر…
واحد بقول انا حفيد علي..
والتاني بقول انا حفيد عمر..
لا سيدنا علي خلف هيك شخصية..
ولا سيدنا عمر سامع بهيك نُمر..
وجوعان عم يدور بالزبالة على اكل..
وأب عم يطعمي ولادوا من وراق الشجر..
شهيد بالجبل عم تاكل من لحمو الوحوش..
ومعلمو بتركيا عم يلقط صور..
والتاني مرجعينو لعند امو بدمو …
ومعلمو من ورا المكتب عم يزف الخبر…
اين #المفر؟؟؟
وين بدك تهرب والطريق كلو حواجز وحفر.. ؟
وين بدك تروح وبدك فيزا وجواز سفر..؟
لا لبنان بدا تشوفك..
ولا الاردن طايقتك..
ولا مصر ولا تركيا ولا اليونان ولاحتى المجر..
ارحموا عزيز قوم ٍ هجر ..
تفوو على هالدولة اللي مارحمت هالبشر..
وتفووو على المعارضة اللي عيشتو الناس بالخيام متل البقر..
والف تفوو على جيرانك ياوطن..
بما فيهون تركيا و قطر…
بخاطركن … انا طالع على القمر.
