ردح ريما #الرحباني مع ابن عمها أسامة بسبب اعطائه #اليسا اغاني والدتها #فيروز

صورة ارشيفية لعاصي الرحباني مع ابنته من زوجته فيروز ريما الرحباني

ردح ريما #الرحباني مع ابن عمها أسامة بسبب اعطائه #اليسا اغاني والدتها #فيروز

يعني بيكون الواحد عايش بأمان الله وومرتاح وناسي الله اللي خلقن 💅
بيطلعلو حدا يحطّلو ع صفحتو شي ما بعرف شو فينا نسميه! 🤔 والله من بعد ما شفت هالمقطع العجيب من شي إسمو متل الحلم او متل الكابوس هيك شي!
فهمت ليه الكل كان ناطر قول شي! 😏
وما كنت ناوية لا شوف ولا قول إنما شرّف المقطع لعندي ما عاد فيني ما قول! 🫣
اللي رح قولو ما ح يكون طويل 😁 لأن مانو محرز أعطيه
أكتر من كلمتين نضاف من وقتي ومن حجمو! 🥴 ويمكن تتفاجاؤوا باللي رح قولو! 😆
الحق مش ع إليسا! واليسا باللي صار ضحيّة مش مجرمة 🙄
المجرم الأوّل والأخير هوّي الطبل اللي داير إليسا والتوابع 😅
ومعتقد حالو بيحقلّو يتصرّف ويأذن للفنانين يغنوا أغاني فيروز 😏
ومعتقد بيحقلّو يشوّه ويبهدل هالإرث براحتو بيدون حسيب ولا رقيب! 😏
فإعتقد الطبل إنو هو كمان عبقري ووريث وو بدّو يعيد ووو نفس الأغاني! 😂
كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! 😏 بس قد ما ذكي فضح حالو وقطع الشك باليقين! 😊
بس معليش.. إلا ما يصير في دولة وحبوسة فهيدا الموضوع ما رح فوت فيه هلق! 😁
المهم بالموضوع إنّو شغلة اللي بدّو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، 😂 شغلتو مينيموم يعلّم الفنان أصول اللفظ واللحن والأداء والكلاااااااااااام 😂 والكلام! 😆
مش شغلة المغنّي يغنّي ع ليلاه! وينبش كلام من ذاكرتو وقت كان عمرو عشر سنين! 😆
واللي بدّو يعمل تحيّة ولو كذّابيّة لعمّو 🤥 أقلّه يحترملو ألحانو ويحترم ورثتو
خاصة اذا كان عارف ومأكّد إنّو الورثة ما بيريدوا هالأغاني بالذات تنعاد 🙂 (ورثة الياس) واذا بتمرق ع بعض الناس إنّو هاي فعلا تحيّة ما بتمرق ع كل الناس إنّها كذّابيّة! 😏


عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! 😳
شو ما شاطر يتفلسف إلا ع الهواة؟ 🤓 ومصدّق حالو 😂 ونازل فيهن بهدلة إنّو هوي يابا شي كتير مهم وعبقري 😂 وديكتاتور ومُتطلّب وقاسي ومش سهل الرضى أبداً… 😂 كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت….. 😂
كل شاردة وواردة بدّو يكون راضي عنّا… وما بيعجبو العجب! والله العظيم تحط نفسك في مواقف بايخااااااااااا 😅
ف هاي ما كانت تحيّة هاي كانت إهانة لأعمال عاصي ومنصور والياس وبس بزيادة هلّق! 😄
أخيراً أخيراً أخيراً 😁
في عاصي الرحباني واحد ما في غيرو ولبعد ألف سنة ما بيجي غيرو! 🙂
عرفت كيف؟ 😏 إءْ
شد طلوع شد طلوع اوعى ما تزمّر ع الكوع 🥳

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.