#رانيا_يوسف فضحت بفستانها نفاق وجهل وغباء المجتمع والحكام #متضامن_مع_رانيا_يوسف_و_فستانها

قامت الدنيا على ( رانيا يوسف ) علشان إرتدت فستان ( إعتبره ) حراس الفضيلة و الأخلاق و الدين و العادات و التقاليد ( فعل فاضح ) يستحق العقاب !
فاتقدم 3 محامين ( متخلفين ) للنائب العام ببلاغ ضدها يتهمونها ب ( الفسق و الفجور و نشر الرذيلة فى المجتمع ) !
فايقوم ( النائب العام الملاكى للرجعية ) يحدد جلسه 12 يناير للنظر فيها !!
و مش كده و بس لأ طبعا !
إزاى مجلس ( النواب ) لا يضع اللمسه الخاصه به ؟
فايقوم نائب ( متخلف ) يطلب مساءله ( وزيرة الثقافه ) !!
و كأن ( وزيرة الثقافه ) ولى أمر رانيا مثلا أو خلفتها و نسيتها و يطالب بوضع ( شروط ) على فساتين الفنانات !!
خلاص يا عينى كل قضايا البلد إتحلت سياسيه و إقتصادية و تعليمية و صحية و إجتماعية و المجلس قاعد يهش و ينش و فاضل ( فستان رانيا ) اللى مأخر البلد و تطورها !
طب أنا ليا كده طلب للمحامين الشرفاء إذا كانت ( رانيا ) لبست فستان سواء أعجبنا أم لم يعجبنا فهو فستان لها مجرد زى ستظهر به مره و يختفى
إيه رأيكم فى ( بيت الدعاره ) الإسلامى المفتوح على مصراعيه أمام المجتمع من كتب تراث و فتاوى تحث و تحرض و تنتشر بين أفراد المجتمع بإسم الدين و لا أحد يحاسبهم ؟
( فستان ) من قماش حينشر الفسق و الفجور و الرذيله فى المجتمع ؟!!
و كل هذا القيئ الإسلامى عن النكاح و المنكوحين بينشر إيه بقى .؟ الفضيلة و الأخلاق ؟؟


يا ترى ( النائب العام ) مابيسمعش ؟ و لا مابيشوفش ؟ و لا مابيقرأش ؟
و يا ترى ( مجلس النواب ) شايف إن هذة الكتب القذرة و الفتاوى الأقذر نبل أخلاق ؟
و الناس اللى ( هاجت ) على فستان بدعوى الفضيلة و الأخلاق يا ترى ( فضيلتكم ) فين من الدنس و النجاسه دى ؟؟
و لا بس فضيلتكم لا تظهر إلا على ( النساء و الفن و الآخر ) ؟
مش ده دينكم ؟ و لا حتتبروا منه ؟؟
مش دى كتب تراثكم ( العفنه ) المقدسة ؟؟
مش دول شيوخكم الأجلاء اللى بيفتوا لكم و كلهم من داخل وكر الأزهر المتطرف
الحقيقة ( فستان ) رانيا أشرف و أنبل و أكثر فضيله من كتبكم المقدسة و شيوخكم المعممين و المحجبين و أكثر أخلاق من فتاويكم و فكركم المتدنى .
و سواء أدينت ( رانيا ) أو برأت فقد فضح فستانها إنكم ( عبيد جنس ) .
الآن فستان ( رانيا ) رذيله ؟؟
و الست صاحبة ال 60 سنه اللى إتعرت غصب عنها فى المنيا و زفوها فى قريتها ( المسلمين ) ماذا فعل القضاء لها ؟؟
و لا حاجه ( برأ ) كل المتهمين و سجن ( إبنها ) !!!!
علشان تصدقوا و تؤمنوا إننا نعيش فى دوله ( دينيه ) قذرة نجسه بمعنى الكلمه .
( رانيا يوسف ) فضحت بفستانها نفاق و جهل و غباء المجتمع و من يحكمون
الحريات الشخصية فى خطر عندما تحاكم سيده على إرتداءها فستان يعجبها نحن أمام مفترق طرق حقيقى إما ينتصر الظلام أو النور التحضر أو الجاهلية .
نكاح و نكاح و نكاح فانكاح و من ثم نكاح
خياتكم و دينكم يتمحور حول شيئين لا ثالث لهما ( النكاح و شعر رأس المرأة )
كيف ننكح ؟
ماذا ننكح ؟
أساليب النكاح ؟
منغصات النكاح ؟
ده حتى بيوت الدعاره مافيهاش كل الكلام ده عن النكاح .
و سلمولى على مدنية الدوله .
#متضامن_مع_رانيا_يوسف_و_فستانها

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in الأدب والفن. Bookmark the permalink.

Leave a Reply

Your email address will not be published.

This site uses Akismet to reduce spam. Learn how your comment data is processed.