حول سفر #السوريين الى #مصر و #بلاروسيا

Mr Syria & Mr World Abdula Haj ملك جمال سوريا و العالم عبدالله الحاج

Mr Syria & Mr World Abdula Haj ملك جمال سوريا و العالم عبدالله الحاج

على سيرة السفر على مصر !  
قبل شوي أنهيت مكالمتي مع أحد الأصدقاء يلي سافروا على مصر من حوالي 5 أسابيع حبيت أتصل عليه لحتى شوف أحواله وأخباره وطمن بالي عليه الحمدلله أموره بخير ومرتاح عم يحكيلي عن أعداد السوريين الكبيرة الموجودة بمصر ويشرحلي ظروف الحياة والمعيشة قلي. عينك ماتشوف الطيارة كومبليه كلها عائلات سورية بأكملها طالعة على مصر نسوان ورجال وأطفال الناس طافشة على الآخر !
قلي موسم الهجرة هلأ أكبر بكتير من بداية الأزمة من قبل كانت العيلة تسفر الشباب عندها بس يوصل ابنهم البكالوريا مباشرة بيخلص امتحان من هون تاني يوم بتلاقيه بالمطار وبتبقى الختايرة بسورية أما هلأ انتلقنا لمرحلة هجرة العائلات بكاملها !
سألته كيف العيشة بمصر قلي والله الحمد لله مرتاح نوعاً ما قلي أكيد مالها متل أوروبا بس فيك تقول متل سورية قبل الأزمة يعني كل شي فيها متوفر كهرباء ٢٤ ساعة وغاز ومازوت وخبز
.. كل شي … كل شي يعني عايشين بفضل ونعمة من الله عز وجل رحت قعدت بالقاهرة اسبوع بعدين انتقلت على الإسكندرية هون لقيت الجو أحلى ونفسياً مرتاح أكتر استأجرت بيت بمدينة سكنية 150$ بالشهر متواضع بس خدماته جيدة وتنظيم المدينة مريح ومحترم وفيها عدد سوريين كبير وخاصة من حمص الحبيبة يالطيف شو فيها حماصنة
سألته إذا بتفكر ترجع ؟! ضحك وقلي مافي حدا مابيحب بلده بس انا سافرت لأنه وصلت لمرحلة فوق طاقة الاحتمال ويتصور إذا استمر وضع السفر هيك من هون لمنتصف العام القادم رح ينزل عدد السكان أقل شيء بنسبة 40%
على الأقل من بعد أسبوعين من وصولي مباشرة لقيت شغل بمول تجاري لسلسلة محلات أصحابها سوريين والحمد لله راتبي بيكفي أجرة بيت ومعيشتي تقريباً على القد المهم اشتغلت لحتى ما بالغ بس يا أخي افضل من سورية على الأقل خلصنا من رسالة الغاز والبنزين والوقفة على طابور الخبز منشان ربطة !!

……..
ضحكوا عليهم أصحاب مكاتب السياحة .. السوريين ضحايا التأشيرات المزورة إلى بلا روسيا
لم يسمح لهم حتى بالعودة إلى سوريا.. سوريون عالقون في مطار بيلاروسيا!
الترويج للذهاب إلى بلاروسيا عبر الفيسبوك، أوقع كثير من السوريين ضحية لإعلان كاذب أنهى بهم المطاف عالقين في المطار لا مسكن لهم.
إعلانات مكاتب السفر والإعلانات الشخصية عن رحلة الذهاب بلا إياب إلى بيلاروسيا، كانت تسعّر هذه الرحلة بمبلغ 4 آلاف دولار تشمل “الفيزا وتذكرة الطائرة وحجز فندقي لمدة أسبوع، أما للسفر من بيلاروسيا إلى ألمانيا يستوجب دفع 3 آلاف دولار أخرى يتضمنها “مشي على الحدود” لمسافة 4 حتى 15 كيلو متر.
بعد كل هذه الإعلانات توجه عدد من السوريين إلى بيلاروسياً ولوحظ أن بعضهم تعرض لعملية نصب، حيث نشرت صور لهم وهم ينتظرون لساعات بمطار (مينسك) ليتبين أن دعوة مكاتب السفر وهمية ولم يتم السماح لهم بدخول البلاد من قبل الجهة البيلاروسية، فبقي المسافرون في المطار بدون أكل ولم يسمح لهم التوجه لأي مكان ولا حتى العودة إلى سوريا، بحسب التعليقات على تلك الصور.

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.