تواطؤ قيادات الجيش والشرطة مع الإرهابيين لإبادة كمين العريش .. الفضيحة الدولية والكارثة التى لم تحدث فى اى دولة فى العالم ..!؟

بقلم دكتور سيتى شنوده

== النظام الإخوانى الحاكم فى مصر وقيادات الجيش والشرطة يرفضون ارسال طائرة حربية او هليوكوبتر او أى دعم للكمين ” بطل 14 ” فى العريش , أثناء هجوم تنظيم داعش عليه يوم 5/6/2019 .. حتى تم ابادة كل من فيه ..
== تسجيل وتنزيل حرفى لإستغاثة الشهيد النقيب عمر القاضى

*********

تنزيل حرفى ( ماعدا بعض الكلمات الغير واضحة ) لتسجيل إستغاثة الشهيد النقيب عمر القاضى قائد كمين بطل 14 بالعريش اثناء هجوم الإرهابيين من تنظيم داعش عليه يوم 5/6/2019 , وتلاعب و تسويف و ” إستعباط ” قائد غرفة العمليات, وخداعه للشهيد وإدعاءه كذباً إرسال قوات بقيادته لنجدة الشهيد وجنوده , وذلك لكسب الوقت حتى يتم قتل الشهيد وكل جنوده , وهو ما حدث فعلاً .. فى حين ان طائرة هليوكوبتر اباتشى واحدة كانت كافية لإنقاذ كل افراد الكمين , والقضاء على الإرهابيين المهاجمين و كل الإرهابيين فى سيناء ..

*******

= الشهيد النقيب عمر القاضى لغرفة العمليات : بينضرب علينا قناصة على كل الأبراج .. فيه قناصة بتضرب على كل الأبراج

*** قائد غرفة العمليات : الجميع داخل الدشمة .. داخل الدشمة .. خش دشمتك .. خش دشمتك واضرب فى اتجاه الضرب .. اضرب فى اتجاه الضرب اللى قصادك .. خش جوه الدشمة واضرب .. اضرب عليهم .. اضرب فى اتجاه الضرب .. فى اتجاه الضرب اللى يجى عليك اضرب ناحيته ..

= النقيب يصرخ بصوت عالى : انا بيضرب على ب الآر بى جى

*** قائد غرفة العمليات : خليك فى التجهيزة بتاعتك .. خليك فى التجهيزة بتاعتك .. فى الدشمة بتاعتك .. واستمر فى الضرب .. استمر فى الضرب عليه ..

= امين الشرطة فى الكمين : ياقاضى .. القناصة فى كل حتة ومش عارفين نتحرك

= الشهيد النقيب عمر القاضى يصرخ بيأس وتوتر و بصوت عالى جداً : اضرب على السبيل يا سمير ..غربل السبيل ..

*** غرفة العمليات : بطل 15 وبطل 14 .. كثف كل ضربك فى اتجاه السبيل .. فى اتجاه الجبل فى منطقة السبيل .

= النقيب عمر يصرخ : انا معايا عسكرى مات .. انا معايا شهيد .. وكلنا فى السكة يا جدعان .. ابعتولنا دعم يا جدعان .. دكوا السبيل علينا كلنا .. دكوا السبيل علينا كلنا .. دكوا السبيل علينا كلنا يا جدعان ..

*** غرفة العمليات : ياقاضى ..

= النقيب يصرخ : ابدأ يا سمير ..

*** غرفة العمليات : يا قاضى .. 10 مركزى معاك .. انا منزلاوى يا قاضى .. الدعم اتحرك من الساحلى من على الدائرى .. بس عمال يضرب فى تماس فى اتجاه السبيل .. علشان فيه ………….والدعم بيتحرك لك ………….أثبت يا بطل وربنا معاك ..

= النقيب يصرخ .. ( كلام غير واضح )

*** غرفة العمليات : انا حا أخلى بطل 13 وبطل 15 .. كل الأسلحة اللى معاه يضربها فى اتجاه الجبهه .. علشان يخف الضرب عليك تماماً .

= النقيب الشهيد : انا بينى وبين العالى 40 متر يا منزلاوى .. انا بينى وبين العالى 40 متر وذخيرتى خلصت يامنزلاوى .. تعالى لى ياض .. تعالى لى خدنى ياض لو تعرف ..

*** غرفة العمليات : اثبت يا موجى .. الدعم دخل عليك من الناحيتين .. كده بنسبة 80 % الضرب هيجى عندك ….. بطل 13 وبطل 15 على مدفع غربل كل المنطقة الجبلية اللى بينك وبين بطل 14 ..
بطل 13 هيضرب فى اتجاه , وبطل 15 هيضرب فى اتجاه .. اضرب فى اى حتة فى المنطقة الجبلية .. بلا ش اتجاه الكمين .. علشان ما وقعش ( لا يقع اى لا يصاب ) حد من عندنا ..
ياموجى .. 3 دقائق والدعم جايلك فى الطريق ..
بطل 17 فيه تعامل قناص عليه ……. اثبت يا موجى وربنا معاك .. الدعم قسماً بالله بيتحرك لك من الساحلى مع الدائرى .. والدبابة اتحركت من بطل 16 بس ضرب عليها قناصة ..

= النقيب عمر : يا منزلاوى .. ادى فرصة للمدير يتكلم ..

*** قائد غرفة العمليات : يا موجى .. يا موجى .. اضرب على الوضع الفردى .. يا موجى اضرب على الوضع الفردى السريع .. بسرعة وخد بالك .. اهدأ علشان توفير الذخيرة .. براحتك خالص ما يهمكش .. بس خد السواتر بتاعتك .. وانا فى الطريق اليك ..

*************

ولم يتحرك قائد غرفة العمليات .. ولم تصل أى طائرة او أى دعم لإنقاذ الكمين ..وثبت انها كلها أكاذيب و” بهلوانيات” لخداع الشهيد وكسب الوقت حتى يتم ابادة الضابط وامين الشرطة وكل الجنود فى الكمين .. بل ان غرفة العمليات لم تذكر – مجرد ذكر- أى محاولة لإرسال طائرة حربية او طائرة هليوكوبتر, كانت ستصل خلال دقائق وتنجد الشهداء من القتل والإبادة .. وهو نفس ما حدث فى كل المذابح التى تعرضت لها قوات الجيش والشرطة فى السنوات الماضية , ومنها مذابح رفح المتكررة , ومذبحة كبار ضباط وجنود الشرطة فى الواحات يوم 20/10/2017 ..

د. سيتى شنوده
12/6/2019

About سيتى شنوده

‫د . سيتى شنوده‬‎ طبيب مصرى وناشط فى حقوق الإنسان
This entry was posted in فكر حر. Bookmark the permalink.

2 Responses to تواطؤ قيادات الجيش والشرطة مع الإرهابيين لإبادة كمين العريش .. الفضيحة الدولية والكارثة التى لم تحدث فى اى دولة فى العالم ..!؟

  1. مينا الطيبى says:

    اذا كان بالفعل هذا ما حدث فلست املك كلمه واحده وربما حرف واحد أقوله … عذرآ … عذرآ لقد نفذ كل ما املك من أمل الى الضياع … ليست امالى وفقط بل الحزن الذى غطى على كل حياتى وحبى الحزين الذى اكنه لوطنى وبلدى الذى احبه وهناك من يعيشون فيه يتنفسدن هوائه ويأكلون من طعامه ويشربون من ماؤه …. ويقتلونه بعد كل ذلك !!! آسف … آسف … آسف … لك يامصر لا املك ما أقوله … وأتمنى ان هاقرأته غير حقيقى نهائي … احبك يا مصر من كل وجدانى احبك …

  2. د. سيتى شنوده says:

    روابط التسجيل الصوتى لإستغاثة النقيب عمر القاضى قائد كمين ” بطل 14 ” فى العريش يوم 5/6/2019 , ورفض قيادات الجيش والشرطة إرسال طائرة حربية او طائرة هليوكوبتر او اى نوع من القوات والدعم والنجدة لإنقاذ الكمين اثناء الهجوم الإرهابى عليه , حتى تم قتل النقيب عمر وابادة كل افراد الكمين :

    https://www.youtube.com/watch?v=2tTNxh_PmJ4

    https://www.youtube.com/watch?v=P6D1KFRdd-U

    https://www.youtube.com/watch?v=gH5PcP9gjQI

    https://www.youtube.com/watch?v=JjZNvy1MlYw

    د. سيتى شنوده

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.