تتحمم والكهربا مقطوعة في #سوريا: هاد موشامبو هاد فيت فيييييييييت كريم لازالة الشعر

مبارح المغرب بعد ماخلصت شغلي وعشيت الاولاد قلت رح فوت اخد دوش سريع وركز كاسة متة وافتح نت ☺☺
دخلت عالحمام وشغلت الدوش متل العادة مافي كهربا ع ضو اللدة وفتحت المية السخنة وتناولت علبة الشامبو من على الرف وحطيت على شعري وبلشت افرك وادلك فروة راسي بحنان 😉😉
وانا مستغربة ليش ما يرغي الشامبو معقول شعري لهالدرجة مزيت 😫😫
زدت كمان وصرت افرك وافرك فيه شعري خشّب وبطلو اصابعي يدخلو بين شعري غسلتو ع السريع وغسلت عيوني وفتحت 👀👀 لااااااااااااااااااااااااااااااااااااااااا هاد موشامبو هاد فيت فيييييييييت كريم لازالة الشعر 😱😱
كان جايبو جوزي مشان يجربو لمنطقة الابط لانو بيتحسس من الشفرة 😥😥
وبعد لحظات قليلة صابني الصرع وصار شعري يهر مثل الريش المنتوف وصارت محسوبتكم جعفر صرت قرعة تماما 😱😱
والله شو بدكن بطول السيرة صرت نط وابكي وفوق البكي اضحك ع منظري 😖😖
ورجليي ماعادو يحملوني بطلت قادرة وقف 😨😨
صابني شلل الله وكيلكن وطلعت من الحمام اول ما شافوني ولادي صاروا يصرخوا حراميييييييييي حرامييييييي 😲😲
وانا قلّن انا امكن يلعن امكن ميت مرة على هالحظ الزفت 😞😞
تمالكت اعصابي واتصلت بجوزي وخبرتو والافندي ع شوي رح يطقو خواصرو من كتر الضحك
وقلي احلى بروكة شقرا لعيونك ابو الشباب
حياتي انتي 😘😘
انا هون اغمى عليي كل هاد وعم يتمسخر عليي وهو السبب 😢😢
ماشي انا بورجيه من يضحك اخيراً يضحك كثيراً 😝😝


رحت فضيت علبه الشامبو وعبيتها فيت وحطيتلو ياها بعدين فات يتحمم بعد ماشبع ضحك وصهصنة عليي وصار يغني ويجاكر المهم شوي و صار يصرخ وطلع ربي كما خلقتني اتاري محمم شعرو وجهو وجسمو كلو وما هي الا دقائق وانا يمكن انفجرو كلاويي من كتر ما ضحكت وهو ينط وما يحط 😜😜
بس اااااخ ياربي اااااخ هو بضل رجال
والعترة ع محسوبتكن الغضنفر كيف بدي ضل هيك؟؟ 😢😢😢😢
ديرو بالكن بالكن انتو كمان بس لتروحو تخربطو بالفلاش 😨😨😨😨😭😭😭😭
الله يرحم من يوم يومي مهضومة

About أمل عرافة

أمل عرافة خبيرة فلكية مجازة من معاهد لاس فيغاس ولندن, نيودلهي, بكين وطوكيو وجنوب افريقيا, دراسات معمقة في علم التنجيم , اهم ما تنبأت به هو كارثة تسونامي, وصول اوباما الى رئاسة اميركا, وحادثة الطائرة الماليزية, كاتبة مغربية بشؤون المرأة العربية والفن
This entry was posted in ربيع سوريا, يوتيوب. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.