بهداك الزمن كنا فقيرين في حدا يقلي هلق نحنا شو تسميتنا

سوريون دمن قفص ينتظرون دور الخبز

الدور على المخابز داخل اقفاص

منقول

أيام زمان كنا عايشين حياة بسيطة وكنا مصنفين من بين الفقراء بالمجتمع
كنا نفيق الصبح نغسل وجهنا بصابون “فا” الفرنسي ونشرب القهوة اللي كانت عنجد قهوة مو حمص محروق … بعدا يجي وقت الفطور ندخل ع المطبخ نشوف قطارميز المكدوس والزيتون والعيطون والجبنه بحبة البركة والمربيات بأنواعا ( ببيتنا كانت أمي تعمل مشمش وسفرجل و ورد ) وقطرميزات اللبنه المدعبلة والبويركه وبيدونات الزيت البلدي وعلبة الدبس
نفتح البراد نشوف صفاد البيض والزبدة والخضرة بكل انواعا والفواكه / عدا الموز طبعا وقتا كان غالي / نسكر البراد انو اااف ملينا من هالأكل
كان في ع السقيفه خزان للمي وخزان للمازوت وتبقى الصوبيا شاعله كل الشتويه حتى الحمام كان سخانو ع المازوت تدخل لتتحمم تحس حالك بحمام ساونا بخار ودفا وطبعا المي مفروغ منا متوفره على طول
كان كل طالب مدرسه عندو دفاتر مجلدة ومرتبة لكل مادة دفتر ومقلمة فيا كل ألوان الاقلام والقرطاسية بالاضافه للالوان وطبعا كل تلميذ عندو بدلين مراويل للمدرسه او بدلات فتوه لانو بالشتويه مابينشف الغسيل مع انو كان في مناشر ع صوبية المازوت


كان يوم الجمعه مخصص للمشاوي والمشاوير وكنا لما نعمل محاشي نحط تحتا فرشة عضام مع انو نص الحشوة لحمه وتحت اليبرق عصاعيص أو لية وأحيانا فروج بعب اليبرق
كانت السرافيس تتسابق لتشيل الراكب عن الطريق وماكنا ننطر لاصيف ولا شتا حتى بالتمانينات لما صار حصار اقتصادي ماتغير الا أشيا بسيطة متل المحارم والزيت النباتي مع انو المؤسسه فورا لاقوا بديل وحلو المشكله بمحارم كنار وقناني زيت القطن
بهداك الزمن كنا فقيرين في حدا يقلي هلق نحنا شو تسميتنا  

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن, ربيع سوريا. Bookmark the permalink.

2 Responses to بهداك الزمن كنا فقيرين في حدا يقلي هلق نحنا شو تسميتنا

  1. شالوح السشلوزي says:

    حاليا انتم خارج الزمان ،في هلوسه هي بين الصحو والغيبوبه وبين الموت واشنع نوعيه للحياه.

  2. aram says:

    أحفاد العرعور

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.